![വിജയകരമായി പൂർത്തിയാക്കിയത് വലിയ ദൗത്യം…! ബ്രഹ്മപുരം മാലിന്യ പ്ലാന്റിലെ തീ പൂർണ്ണമായും അണച്ചെന്ന് അഗ്നിരക്ഷാസേന; 48 മണിക്കൂർ നിരീക്ഷണം തുടരും;പെട്രോളിങ് ഉൾപ്പെടെയുള്ള തുടർ പരിശോധനകൾ ഉണ്ടാകും വിജയകരമായി പൂർത്തിയാക്കിയത് വലിയ ദൗത്യം…! ബ്രഹ്മപുരം മാലിന്യ പ്ലാന്റിലെ തീ പൂർണ്ണമായും അണച്ചെന്ന് അഗ്നിരക്ഷാസേന; 48 മണിക്കൂർ നിരീക്ഷണം തുടരും;പെട്രോളിങ് ഉൾപ്പെടെയുള്ള തുടർ പരിശോധനകൾ ഉണ്ടാകും](https://i0.wp.com/thirdeyenewslive.com/storage/2023/03/IMG-20230314-WA0005.jpg?fit=1049%2C1402&ssl=1)
വിജയകരമായി പൂർത്തിയാക്കിയത് വലിയ ദൗത്യം…! ബ്രഹ്മപുരം മാലിന്യ പ്ലാന്റിലെ തീ പൂർണ്ണമായും അണച്ചെന്ന് അഗ്നിരക്ഷാസേന; 48 മണിക്കൂർ നിരീക്ഷണം തുടരും;പെട്രോളിങ് ഉൾപ്പെടെയുള്ള തുടർ പരിശോധനകൾ ഉണ്ടാകും
സ്വന്തം ലേഖകൻ
കൊച്ചി : ബ്രഹ്മപുരത്തെ തീ പൂർണ്ണമായും അണച്ചെന്ന് അഗ്നിരക്ഷാസേന. 48 മണിക്കൂർ നിരീക്ഷണം തുടരും. അതിനുശേഷം പെട്രോളിങ് ഉൾപ്പെടെയുള്ള തുടർ പരിശോധനകൾ ഉണ്ടാകും. വിജയകരമായി പൂർത്തിയാക്കിയത് വലിയ ദൗത്യമെന്ന് അഗ്നിരക്ഷാസേന വ്യക്തമാക്കി.
12 ദിവസത്തെ കൂട്ടായ പരിശ്രമങ്ങള്ക്കൊടുവില് ബ്രഹ്മപുരം മാലിന്യപ്ലാന്റിലുണ്ടായ തീപിടിത്തവും പുകയും പൂര്ണമായി ഷംറ്റതായി ജില്ലാ കളക്ടർ അറിയിച്ചു. തിങ്കളാഴ്ച്ച വൈകിട്ട് 5.30 ഓടെ 100 ശതമാനവും പുക അണയ്ക്കാനായതായി ജില്ലാ കളക്ടര് എന്.എസ്.കെ. ഉമേഷ് പറഞ്ഞു.
Whatsapp Group 1 | Whatsapp Group 2 |Telegram Group
ചെറിയ തീപിടിത്തമുണ്ടായാലും അണയ്ക്കുന്നതിന് ഫയര് ആന്ഡ് റെസ്ക്യൂ സേനാംഗങ്ങള് ക്യാംപ് ചെയ്യുന്നുണ്ട്. ഇനി തീയുണ്ടായാലും രണ്ട് മണിക്കൂറിനകം അണയ്ക്കുമെന്നും അദ്ദേഹം വ്യക്തമാക്കി.
ഫയര് ആന്റ് റെസ്ക്യൂ, റവന്യൂ, നേവി, എയർഫോഴ്സ്, സിവിൽ ഡിഫൻസ്, പോലീസ്, ഹോംഗാർഡ്, കോര്പ്പറേഷന്, കൊച്ചിന് പോര്ട്ട് ട്രസ്റ്റ്, എല്എന്ജി ടെര്മിനല്, ബിപിസിഎല്,
ആരോഗ്യം, എക്സകവേറ്റർ ഓപ്പറേറ്റർമാർ തുടങ്ങി എല്ലാവരുടെയും കൂട്ടായ അധ്വാനത്തിന്റെ ഫലമായാണ് തീയണയ്ക്കാനായത്. സ്മോള്ഡറിംഗ് ഫയര് ആയതു കൊണ്ട് ചെറിയ തീപിടിത്തങ്ങള് വരാനുള്ള സാധ്യത കണക്കിലെടുത്ത് അടുത്ത 48 മണിക്കൂര് ജാഗ്രത തുടരുമെന്നും കളക്ടർ വ്യക്തമാക്കി.