നിയമപ്രകാരം ഭാഗികമായോ പൂര്‍ണമായോ നഗ്നത പ്രകടിപ്പിക്കുന്ന 67 അശ്ലീലസൈറ്റുകള്‍ ബ്ലോക്ക് ചെയ്യാന്‍ നിര്‍ദേശിച്ച്‌ കേന്ദ്രസര്‍ക്കാര്‍
ന്യൂഡല്‍ഹി: ഭാഗികമായോ പൂര്‍ണമായോ നഗ്നത പ്രകടിപ്പിക്കുന്ന 67 അശ്ലീലസൈറ്റുകള്‍ 67 അശ്ലീലസൈറ്റുകള്‍ ബ്ലോക്ക് ചെയ്യാന്‍ ഉത്തരവിട്ട് കേന്ദ്രസര്‍ക്കാര്‍. ഇന്റര്‍നെറ്റ് സേവനദാതാക്കള്‍ക്കാണ് കേന്ദ്രസര്‍ക്കാര്‍ നിര്‍ദേശം.പൂണെ കോടതിയുടെ നിര്‍ദേശത്തിന്റെ അടിസ്ഥാനത്തിലാണ് 63 വെബ്സൈറ്റുകള്‍ നിരോധിക്കാന്‍ കേന്ദ്രസര്‍ക്കാര്‍ ഉത്തരവിട്ടത്.
ഉത്തരാഖണ്ഡ് കോടതിയുടെ ഉത്തരവിന്റെ അടിസ്ഥാനത്തിലാണ് നാല് വൈബ്സൈറ്റുകള്‍ ബ്ലോക്ക് ചെയ്തത്.
2021ലെ ഐ.ടി നിയമത്തിന്റെ അടിസ്ഥാനത്തിലാണ് കേന്ദ്രസര്‍ക്കാര്‍ നടപടി. നിയമപ്രകാരം ഭാഗികമായോ പൂര്‍ണമായോ നഗ്നത പ്രകടിപ്പിക്കുന്ന വെബ്സൈറ്റുകള്‍ നിരോധിക്കാന്‍ കേന്ദ്രസര്‍ക്കാറിന് ഉത്തരവിടാം.
Whatsapp Group 1 | Whatsapp Group 2 |Telegram Group
കേന്ദ്രസര്‍ക്കാര്‍ നിര്‍ദേശത്തിന്റെ അടിസ്ഥാനത്തില്‍ ഇത് നിരോധിക്കാനുള്ള ബാധ്യത ഇന്റര്‍നെറ്റ് സേവനദാതാക്കള്‍ക്കുമുണ്ട്.
മുൻപും കേന്ദ്രസര്‍ക്കാര്‍ ഇത്തരത്തില്‍ നിരോധനം കൊണ്ടു വന്നിരുന്നു. എന്നാല്‍, ഇത് പലപ്പോഴും കാര്യക്ഷമമായിരുന്നില്ല. മിറര്‍ യു.ആര്‍.എല്ലുകളിലൂടെ പല വെബ്സൈറ്റുകളും നിരോധനം മറികടക്കുന്നതാണ് കണ്ടത്. ഇപ്പോഴത്തെ നിരോധനവും വെബ്സൈറ്റുകള്‍ ഈ രീതിയില്‍ മറികടക്കുമോയെന്ന ആശങ്ക സൈബര്‍ വിദഗ്ധര്‍ ഉയര്‍ത്തുന്നുണ്ട്.
