കോഴിക്കോട്: വിവാഹ വാഗ്ദാനം നല്കി യുവതിയെ പീഡിപ്പിച്ചെന്ന പരാതിയില് കണ്ണൂര് സ്വദേശി പിടിയില്. എടക്കാട് സ്വദേശി മേത്തലപ്പള്ളി വളപ്പില് വീട്ടില് ഷമീറി(37)നെയാണ് കോഴിക്കോട് വെള്ളയില് പോലീസ് അറസ്റ്റ് ചെയ്തത്. കഴിഞ്ഞ ഏപ്രിലിലാണ് കേസിനാസ്പദമായ സംഭവം നടന്നത്.
ഓട്ടോ-ടാക്സി ഡ്രൈവറായ പ്രതി പല ദിവസങ്ങളിലായി കണ്ണൂര് ടൗണിലെ ലോഡ്ജിലും കോഴിക്കോട് ബീച്ചിലും എത്തിച്ച് തന്നെ പീഡിപ്പിച്ചു എന്നാണ് പരാതിയില് പറയുന്നത്. വിവാഹ വാഗ്ദാനത്തില് നിന്ന് പിന്മാറിയതിനെ തുടര്ന്നാണ് പൊലീസില് പരാതി നല്കിയത്. കണ്ണൂര് എടക്കാട്ടെ മുനമ്പില് വച്ചാണ് ഇയാളെ അറസ്റ്റ് ചെയ്തത്. എസ്ഐ അഭിലാഷ്, എഎസ്ഐ ഷിജി, സീനിയര് സിവില് പോലീസ് ഓഫീസര് രതീഷ് തുടങ്ങിയവര് ചേര്ന്നാണ് ഷമീറിനെ പിടികൂടിയത്. കോടതിയില് ഹാജരാക്കിയ ഇയാളെ റിമാന്റ് ചെയ്തു.
