ഓൾ കേരളാ കേറ്റേഴ്‌സ് അസോസിയേഷൻ സമരത്തിലേക്ക്: ജൂലൈ 30-ന് കേരളത്തിലെ 14 ജില്ലാ ഭരണ സിരാ കേന്ദ്രങ്ങളിലും മാർച്ചും ധർണയും
കോട്ടയം: നിത്യോപയോഗ സാധനങ്ങളുടെ വില അനിയന്ത്രിതമായി തുടരുന്ന
സാഹചര്യത്തിൽ നിലനിൽപ്പിനായി സമരത്തിലേക്ക് നീങ്ങുകയാണന്ന് ഓൾ കേരളാ കേറ്റേഴ്‌സ് അസോസിയേഷൻ ഭാരവാഹികൾ വാർത്താസമ്മേളനത്തിൻ അറിയിച്ചു.
വൈദ്യുതി, പാചകവാതകം മുതലായവ ഒഴിവാക്കാൻ കഴിയാത്ത വസ്‌തുക്കൾക്ക്, ഉയർന്ന വില നിലനിൽക്കുകയും ചെയ്യുന്നതുകൊണ്ട് ഭക്ഷണ വിതരണ രംഗത്ത് ഉണ്ടാകുന്ന സാമ്പത്തിക ബാദ്ധ്യതകൾ താങ്ങാവുന്നതിലും അപ്പുറമാണ്. പച്ചക്കറി – പലചരക്ക് ,മത്സ്യം ,മാംസം മുതലായ സാധനങ്ങൾക്ക് അടിക്കടി ഉണ്ടാകുന്ന വിലവർദ്ധനവ് ഈ രംഗത്ത് പ്രവൃത്തിക്കുന്ന സംരഭകരേയും തൊഴിലാളികളേയും പ്രതികൂലമായി ബാധിക്കുന്നു. എന്നാൽ ഇവ നിയന്ത്രണ വിധേയമാക്കുന്നതിൽ കേന്ദ്ര-സംസ്ഥാന സർക്കാരുകൾ കാര്യക്ഷമമായി ഇടപെടുന്നില്ല.
നികുതിയിനത്തിൽ സർക്കാരിലേക്ക് കാര്യമായ വിഹിതം നൽകുകയും തൊഴിൽ മേഖലയിൽ ലക്ഷകണക്കിന് അവസരങ്ങൾ സൃഷ്‌ടിക്കുകയും ചെയ്യുന്ന ചെറുതും വലുതുമായ നിരവധി സംരംഭകർ നമ്മുടെ നാട്ടിൽ പ്രവൃത്തിക്കുന്നുണ്ട്. വിലക്കയറ്റവും മാലിന്യസംസ്‌കരണവും അടക്കം നിരവധി പ്രശ്‌നങ്ങൾ ഈ രംഗത്ത് പ്രവൃത്തിക്കുന്നവർ നേരിടുകയാണ്.
Whatsapp Group 1 | Whatsapp Group 2 |Telegram Group
സംരംഭങ്ങളുടേയും – തൊഴിലാളികളുടെയും സംരക്ഷണം ഉറപ്പാക്കുന്നതിന് ഇവരുടെ പ്രതിനിധികളേയും സർക്കാർ പ്രതിനിധികളേയും ഉൾപ്പെടുത്തി ഒരു സമിതി രൂപീകരിച്ച് സമഗ്രമായ ഒരു പദ്ധതി ഈ കാര്യത്തിൽ നടപ്പാക്കേണ്ടതുണ്ട്.
ഈ കാര്യങ്ങൾ ഗവൺമെന്റിന്റെ ശ്രദ്ധയിൽപ്പെടുത്തുന്നതിനായി ഓൾ കേരള കേറ്ററിംഗ് അസോസിയേഷന്റെ നേതൃത്വത്തിൽ 2024 ജൂലൈ മാസം 30-ാം തീയതി കേരളത്തിലെ 14 ജില്ലാ ഭരണ സിരാ കേന്ദ്രങ്ങളിലും മാർച്ചും ധർണയും സംഘടിപ്പിക്കുകയാണ്.
വാർത്താ സമ്മേളനത്തിൽ
AKCA സംസ്ഥാന രക്ഷാധികാരി : ഏലിയാസ് സക്കറിയ,
കോട്ടയം ജില്ലാ പ്രസിഡൻ്റ് : സജി ജേക്കബ്.
കോട്ടയം ജില്ലാ സെക്രട്ടറി : ജോസ് ഫിലിപ്പ് .
കോട്ടയം മേഖലാ പ്രസിഡൻ്റ് : ബിനോയി എബ്രാഹാം .
കാഞ്ഞിരപ്പള്ളി മേഖലാ പ്രസിഡൻ്റ് സണ്ണി ഡോമിനിക്,
ജില്ലാ ഓർഗനൈസിംങ് സെക്രട്ടറി റോയി ജോസഫ്
എന്നിവർ പങ്കെടുത്തു
