ഇന്നും ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്കും മണിക്കൂറില് 40-50 കിലോമീറ്റർ വരെ വേഗതയില് കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ്. എട്ടാം തീയതി വരെ മഴ തുടരുമെന്നും കാലാവസ്ഥാ വകുപ്പ് പുറപ്പെടുവിച്ച മുന്നറിയിപ്പില് പറയുന്നു.
കനത്ത ചൂടിന് ആശ്വാസമായി സംസ്ഥാനത്ത് വേനല് മഴയെത്തുന്നത് ആശ്വാസകരമാണ്. പകല് കനത്ത താപനില അനുഭവപ്പെടുമ്പോഴും രാത്രിയില് മഴ ലഭിക്കുന്നത് ചൂടിനെ പ്രതിരോധിക്കുവാൻ സാധിക്കും.വരും മണിക്കൂറുകളില് തൃശൂർ, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളില് നേരിയ മഴയ്ക്ക് സാധ്യതയുണ്ടെന്നും റിപ്പോർട്ടുകള് സൂചിപ്പിക്കുന്നു.
ഇടിമിന്നല് അപകടകാരിയായതിനാല് പൊതുജനങ്ങള് പ്രത്യേക മുൻകരുതലുകള് സ്വീകരിക്കണമെന്ന് കാലാവസ്ഥാ വകുപ്പ് നിർദ്ദേശിക്കുന്നു. മനുഷ്യജീവനും വളർത്തുമൃഗങ്ങള്ക്കും പുറമെ വൈദ്യുത-ആശയവിനിമയ ശൃംഖലകള്ക്കും വീട്ടുപകരണങ്ങള്ക്കും ഇടിമിന്നല് നാശമുണ്ടാക്കാൻ സാധ്യതയുണ്ട്.
Whatsapp Group 1 | Whatsapp Group 2 |Telegram Group
