ബന്ധുവിനോടുള്ള പക; കാപ്പ നിയമം ലംഘിച്ച്‌ പ്രതി യുവാവിന്‍റെ തലയില്‍ കോണ്‍ക്രീറ്റ് കട്ട കൊണ്ട് അടിച്ച്‌ കൊലപ്പെടുത്താൻ ശ്രമിച്ചു

തിരുവനന്തപുരം: വട്ടിയൂർക്കാവില്‍ യുവാവിനെ ക്രൂരമായി മർദ്ദിക്കുകയും കൊലപ്പെടുത്താൻ ശ്രമിക്കുകയും ചെയ്ത സംഭവത്തില്‍ പ്രതിയെ പൊലീസ് അറസ്റ്റ് ചെയ്തു.

Link

Embed

Copy and paste this HTML code into your webpage to embed.

വട്ടിയൂർക്കാവ് വി.കെ.പി നഗർ, സ്വദേശി വിഷ്ണുവിനെ ( 34)യാണ് വട്ടിയൂർക്കാവ് പൊലീസ് പിടികൂടിയത്. വ്യാഴാഴ്ച രാത്രിയായിരുന്നു കേസിനാസ്പദമായ സംഭവം.

ബന്ധുവുമായി ഉണ്ടായ തർക്കത്തിലെ മുൻവൈരാഗ്യത്തെ തുടർന്ന് കാഞ്ഞിരംപാറ ഭാഗത്ത് വെച്ച്‌ നിഖില്‍ രാജ് എന്ന യുവാവിനെ .വിഷ്ണു ആക്രമിക്കുകയായിരുന്നു. ബൈക്കില്‍ ഇരുന്ന നിഖിലിനെ കോണ്‍ക്രീറ്റ് കട്ട ഉപയോഗിച്ച്‌ തലയ്ക്ക് അടിച്ചു പരിക്കേല്‍പ്പിക്കുകയായിരുന്നു. തലയ്ക്ക് ഗുരുതരമായി പരിക്കേറ്റ നിഖില്‍ ചികിത്സയിലാണ്.

അറസ്റ്റിലായ വിഷ്ണു വട്ടിയൂർക്കാവ്, മ്യൂസിയം, കന്റോണ്‍മെന്റ് തുടങ്ങിയ സ്റ്റേഷനുകളിലായി കൊലപാതകശ്രമം, ലഹരിമരുന്ന് വില്‍പ്പന ഉള്‍പ്പെടെ 13 ഓളം കേസുകളിലെ പ്രതിയാണ്.