കോട്ടയം:കോട്ടയം നഗരസഭ ഒന്നാം വാർഡിലെ റോഡുകളുടെ ശോച്യാവസ്ഥ തിരഞ്ഞെടുപ്പ് കാലത്ത് ചർച്ചയാകുന്നു. നഗരസഭ ഒന്നാം വാർഡിൽ കഴിഞ്ഞ അഞ്ചു വർഷവും ഒരു പ്രവർത്തനവും നടന്നിട്ടില്ലെന്ന ആരോപണമാണ് പ്രദേശവാസികൾ ഉയർത്തുന്നത്.
കോടികൾ ഫണ്ട് ചിലവഴിച്ചതായി പ്രദേശത്തെ വാർഡ് കൗൺസിലറും നിലവിലെ മൂന്നാം വാർഡ് സ്ഥാനാർത്ഥിയുമായ സാബു മാത്യു ഫ്ളക്സ് ബോർഡുകൾ സ്ഥാപിച്ചിരുന്നു. എന്നാൽ, ഈ ബോർഡുകൾ സ്ഥാപിച്ചത് അല്ലാതെ യാതൊരു വിധ ഫണ്ടും ചിലവഴിച്ചിട്ടേയില്ലെന്നാണ് നാട്ടുകാർ ആരോപിക്കുന്നത്.
ഒന്നാം വാർഡിലെ റോഡുകൾ മോശമാണ് എന്നാരോപിച്ച് നേരത്തെ കോൺഗ്രസ് നേതാവ് അജീഷ് ഐസക്ക് ഫെയ്സ്ബുക്കിൽ ഒരു പോസ്റ്റ് പങ്കുവെച്ചിരുന്നു . അന്ന് ആ വിഷയത്തിൽ അജീഷിനെ പിന്നീട് കോൺഗ്രസ് പുറത്താക്കുകയായിരുന്നു. ഇത്തരം വിവാദങ്ങൾ തുടരുന്നതിനിടെയാണ് ഇപ്പോൾ മൂന്നാം വാർഡിൽ സ്ഥാനാർത്ഥിയായി ഒന്നാം വാർഡിലെ കൗൺസിലറായിരുന്ന സാബു മാത്യു എത്തിയത്.
Whatsapp Group 1 | Whatsapp Group 2 |Telegram Group
കൂടാതെ യു ഡി എഫ് ലെ കേരള കോൺഗ്രസ് ജോസഫ് വിഭാഗത്തിന്റെ സിറ്റിംഗ് സീറ്റ് ആയിരുന്ന മൂന്നാം വാർഡ് കോൺഗ്രസ് പിടിച്ചെടുത്തതിൽ ജോസഫ് വിഭാഗവും കടുത്ത അമർഷം പ്രകടിപ്പിക്കുന്നുണ്ട്. ഇതും വൻ വിവാദങ്ങൾക്ക് ആണ് തിരി കൊളുത്തിയിരിക്കുന്നത്.
