ഡൽഹി: ഇരുപതാം നൂറ്റാണ്ടില് ശാസ്ത്ര ലോകത്ത് നിർണായക വഴിത്തിരിവായി മാറിയ ഡിഎൻഎ ഘടന കണ്ടുപിടിച്ച ശാസ്ത്രജ്ഞൻ ജെയിംസ് വാട്സണ് അന്തരിച്ചു.
97 വയസ്സായിരുന്നു. ഫ്രാൻസിസ് ക്രിക്ക് എന്ന ശാസ്ത്രജ്ഞനൊപ്പമാണ് ഡിഎൻഎയുടെ പിരിയൻ ഗോവണി (ഡബിള് ഹീലിക്സ്) ഘടന വാട്സണ് കണ്ടുപിടിച്ചത്. ഈ കണ്ടുപിടിത്തത്തിന് 1962ല് ഇരുവരെയും തേടി വൈദ്യശാസ്ത്ര നൊബേല് സമ്മാനമെത്തി.
ചിക്കാഗോയില് ജനിച്ച വാട്സണ് ഇത്ര വലിയൊരു കണ്ടുപിടിത്തം നടത്തുമ്പോള് പ്രായം വെറും 24. വൈദ്യശാസ്ത്ര മേഖലയിലും കുറ്റവാളികളെ കണ്ടെത്തുന്നതിലുമെല്ലാം പുതിയൊരു വഴി വെട്ടിത്തുറന്ന ആ കണ്ടുപിടിത്തത്തിലൂടെ വാട്സണ് ശാസ്ത്ര ലോകത്ത് ആദരണീയനായി.
Whatsapp Group 1 | Whatsapp Group 2 |Telegram Group
അതേ മനുഷ്യൻ തന്നെ ജീവിതത്തിന്റെ അവസാന കാലഘട്ടത്തില്, കറുത്ത വർഗ്ഗക്കാർ വെള്ളക്കാരേക്കാള് ബുദ്ധികുറഞ്ഞവരാണെന്ന അധിക്ഷേപകരമായ പരാമർശം നടത്തി ലോകത്തിന്റെ വിമർശനം ഏറ്റുവാങ്ങി.
