ബസിറങ്ങി നടന്ന് പോകവേ യുവതിക്ക് നേരെ നഗ്നതാ പ്രദർശനം..!! പഴക്കച്ചവടക്കാരൻ പിടിയിൽ..!

സ്വന്തം ലേഖകൻ

കാസർകോട്: കാഞ്ഞങ്ങാട്ട് യുവതിക്ക് നേരെ നഗ്നതാ പ്രദർശനം നടത്തിയ പഴക്കച്ചവടക്കാരനെ പൊലീസ് അറസ്റ്റ് ചെയ്തു.പൂടങ്കല്ല് കൊല്ലറങ്കോട് സ്വദേശി അർഷാദിനെയാണ്(34) പൊലീസ് അറസ്റ്റ് ചെയ്തത്.

കോട്ടച്ചേരിയിൽ ബസിറങ്ങി യുവതി നടന്ന് പോകുമ്പോഴാണ് സംഭവം. ഇയാൾ നഗ്നതാ പ്രദർശനം നടത്തുകയായിരുന്നു എന്ന് പൊലീസ് പറയുന്നു.

ഗുഡ്സ് ഓട്ടോയിൽ കാഞ്ഞങ്ങാട് നഗരത്തിൽ പഴക്കച്ചവടം നടത്തുന്നയാളാണ് അർഷാദ്.

സ്കൂൾ വിട്ട് പോകുകയായിരുന്ന പെൺകുട്ടികൾക്ക് നേരെ നഗ്നതാ പ്രദർശനം നടത്തിയതിന് അർഷാദ് നേരത്തേയും പിടിയിലായിട്ടുണ്ട്. അന്ന് പോക്സോ കേസ് ചുമത്തിയാണ് പൊലീസ് പ്രതിയെ അറസ്റ്റ് ചെയ്തത്.