മുന്‍ മുഖ്യമന്ത്രി ഉമ്മന്‍ചാണ്ടിയെ വിദഗ്ധ ചികിത്സക്കായി ഇന്ന് ബെംഗളൂരുവിലേക്ക് മാറ്റും; എഐസിസി ഏര്‍പ്പാടാക്കിയ ചാര്‍ട്ടേഡ് വിമാനത്തിലാണ് യാത്ര

സ്വന്തം ലേഖകൻ

നെയ്യാറ്റിന്‍കര: മുന്‍ മുഖ്യമന്ത്രി ഉമ്മന്‍ചാണ്ടിയെ വിദഗ്ധ ചികിത്സക്കായി ഇന്ന് ബെംഗളൂരുവിലേക്ക് കൊണ്ടുപോകും. എഐസിസി ഏര്‍പ്പാടാക്കിയ ചാര്‍ട്ടേഡ് വിമാനത്തിലാണ് യാത്ര. നെയ്യാറ്റിന്‍കര നിംസ് ആശുപത്രിയില്‍ ചികിത്സയിലുള്ള അദ്ദേഹത്തിന്റെ ന്യൂമോണിയ ഭേദമായതിനെ തുടര്‍ന്നാണ് മികച്ച ചികിത്സ ലക്ഷ്യമിട്ട് ബെംഗളൂരുവിലേക്ക് മാറ്റുന്നത്.

കഴിഞ്ഞ ദിവസം കോണ്‍ഗ്രസ് അധ്യക്ഷന്‍ മല്ലികാര്‍ജുന ഖാര്‍ഗെയുടെ നിര്‍ദ്ദേശാനുസരണം ഉമ്മന്‍ചാണ്ടിയെ സന്ദര്‍ശിച്ച കെ സി വേണുഗോപാലാണ് ചാര്‍ട്ടേഡ് വിമാനം ഏര്‍പ്പെടുത്തിയ വിവരം അറിയിച്ചത്.

ഇന്നലെയാണ് ഉമ്മന്‍ ചാണ്ടിയെ ബംഗളൂരിവിലേക്ക് കൊണ്ടുപോകുമെന്ന് വിവരം മകന്‍ ചാണ്ടി ഉമ്മന്‍ അറിയിച്ചത്.