സ്മൈല്‍ പ്ലീസ്…! മരത്തില്‍ ചുറ്റിപ്പിണഞ്ഞ് ഫണം വിടര്‍ത്തി ക്യാമറക്ക് പോസ് ചെയ്യുന്ന മൂന്ന് മൂര്‍ഖന്മാര്‍; സമൂഹമാധ്യമങ്ങളില്‍ വൈറലായി ഫോട്ടോ

സ്വന്തം ലേഖകൻ

കൊച്ചി: മരത്തില്‍ ചുറ്റിപ്പിണഞ്ഞ്, ഫണം വിടര്‍ത്തി നില്‍ക്കുന്ന പാമ്പുകളുടെ ചിത്രം ഒരേ സമയം കൗതുകവും ഭയവും ഉണര്‍ത്തുന്നതാണ്.

അത്തരത്തിൽ വലിപ്പമുള്ള മൂന്ന് മൂര്‍ഖന്‍ പാമ്പുകള്‍ ഭംഗിയായി പോസ് ചെയ്യുന്ന ഫോട്ടോ ആണ് ഇപ്പോൾ സമൂഹമാധ്യമങ്ങളില്‍ വൈറലാകുന്നത്.

ഐ.എഫ്​.എസ്​ ഓഫീസര്‍ സുശാന്ത നന്ദയാണ് ചിത്രം സമൂഹ മാധ്യമങ്ങളില്‍ പങ്കുവെച്ചത്.

‘ഒരേ സമയം മൂന്ന്​ നാഗങ്ങള്‍ നിങ്ങളെ അനുഗ്രഹിക്കുമ്പോള്‍’ എന്ന ക്യാപ്ഷനും സുശാന്ത നന്ദ നല്‍കിയിട്ടുണ്ട്.

മഹാരാഷ്​ട്രയിലെ ഹരിസാല്‍ കാട്ടില്‍വെച്ച്‌​ പകര്‍ത്തിയ പാമ്പുകളുടേതാണ് ചിത്രം.