സ്വന്തം ലേഖിക
കൊച്ചി: നടന് ജോജു ജോര്ജ്ജിൻ്റെ വാഹനം തകര്ത്ത കേസില് കോണ്ഗ്രസ് പ്രവര്ത്തകനെ പൊലീസ് അറസ്റ്റ് ചെയ്തു.
മരട് സ്വദേശി ജോസഫാണ് പിടിയാലയത്. വൈറ്റിലയിലെ ഹൈവേ ഉപരോധത്തിനിടെയുണ്ടായ സംഭവ വികാസങ്ങളില് നിലവില് രണ്ട് കേസുകളാണ് പൊലീസ് രജിസ്റ്റര് ചെയ്തിരിക്കുന്നത്.
Whatsapp Group 1 | Whatsapp Group 2 |Telegram Group
വാഹനം തല്ലിതകര്ത്ത് ആക്രമിക്കാന് ശ്രമിച്ചെന്ന ജോജുവിൻ്റെ പരാതിയില് എട്ട് പേര്ക്കെതിരെയും വഴി തടയല് സമരവുമായി ബന്ധപ്പെട്ട് 30 പേര്ക്കെതിരെയുമാണ് ജാമ്യമില്ലാ വകുപ്പനുസരിച്ച് കേസെടുത്തിരിക്കുന്നത്.
ജോജുവിനെതിരായ മഹിളാ കോണ്ഗ്രസ് പ്രവര്ത്തകരുടെ പരാതിയില് കേസെടുക്കാന് കൂടുതല് അന്വേഷണം വേണമെന്നും പൊലീസ് അറിയിച്ചു.
വഴിതടയല് സമരത്തിനെതിരായ കേസില് ഡിസിസി പ്രസിഡന്റ് മുഹമ്മദ് ഷിയാസാണ് ഒന്നാം പ്രതി. രണ്ടാം പ്രതി വി ജെ പൗലോസ്, മൂന്നാംപ്രതി കൊടിക്കുന്നില് സുരേഷാണ്.
മൈക്ക് ഉപയോഗിക്കാനും അഞ്ച് മിനിറ്റില് കൂടുതല് റോഡ് ഉപരോധിക്കാനും പൊലീസ് അനുമതി നല്കിയിരുന്നില്ല.
മണിക്കൂറുകളോളം ദേശീയ പാതയില് ഗതാഗതം തടസപ്പെടുത്തിയതിനാലാണ് ഇത്തരമൊരു നടപടിയിലേക്ക് പോലീസ് നീങ്ങുന്നത്. സംഭവവുമായി ബന്ധപ്പെട്ട് ഇന്നലെ മുന് മേയര് ടോണി ചമ്മിണിക്കും മറ്റ് ഏഴു പേര്ക്കുമെതിരെ കേസെടുത്തിരുന്നു.
