സ്വന്തം ലേഖകൻ
ലണ്ടൻ : ഇംഗ്ലണ്ട് പര്യടനത്തിലെ അഞ്ചാമത്തെയും അവസാനത്തേയും ടെസ്റ്റ് ആശങ്കയിലാക്കി ഇന്ത്യന് ടീമിലെ സപ്പോര്ട്ട് സ്റ്റാഫിന് കൊവിഡ്. ഇതോടെ ഇന്ന് ഉച്ചകഴിഞ്ഞ് നടത്താനിരുന്ന പരിശീലന സെഷന് ഉപേക്ഷിച്ചു.
നേരത്തെ ഇന്ത്യന് മുഖ്യ പരിശീലകന് രവി ശാസ്ത്രിക്ക് കൊവിഡ് സ്ഥിരീകരിച്ചിരുന്നു. ഓവല് ടെസ്റ്റിന്റെ നാലാം ദിനത്തെ മത്സരം ആരംഭിക്കുന്നതിന് അര മണിക്കൂര് മാത്രം മുമ്പാണ് രവി ശാസ്ത്രിക്ക് പ്രാഥമിക പരിശോധനയില് കൊവിഡ് സ്ഥിരീകരിച്ചതായി ബിസിസിഐ അറിയിച്ചത്. ശാസ്ത്രിക്കൊപ്പം മുന്കരുതലായി ബൗളിംഗ് പരിശീലകന് ഭരത് അരുണ്, ഫീല്ഡിംഗ് പരിശീലകന് ആര് ശ്രീധര്, ഫിസിയോ നിതിന് പട്ടേല് എന്നിവരെയും ടീം ഹോട്ടലില് ഐസൊലേഷനിലാക്കിയിരുന്നു.
Whatsapp Group 1 | Whatsapp Group 2 |Telegram Group
മാഞ്ചസ്റ്ററില് നാളെയാണ് അഞ്ചാം ടെസ്റ്റിന് തുടക്കമാവുക. ഓവലിൽ ജയിച്ച ഇന്ത്യ പരമ്പരയിൽ 2-1ന് മുന്നിലാണ്. ഹെഡിംഗ്ലെയില് നടന്ന മൂന്നാം ടെസ്റ്റില് ഇന്നിംഗ്സിനും 76 റണ്സിനും പരാജയം രുചിച്ച ശേഷം ഓവലില് ഇംഗ്ലണ്ടിനെ 157 റണ്സിന് കീഴടക്കി ശക്തമായി ടീം ഇന്ത്യ തിരിച്ചെത്തുകയായിരുന്നു.
