video
play-sharp-fill

ചാനൽ ചർച്ചകളിലെ പാർട്ടിമുഖം: പാർട്ടിയോട് അചഞ്ചലമായ വിശ്വസ്തതയും കൂറും; പാർട്ടിയുടെ മുഖമായ അഭിഭാഷക രശ്മിത രാമചന്ദ്രൻ ഇനി ഗവൺമെന്റ് പ്ലീഡർ; പട്ടികയിൽ മുൻമന്ത്രി ബിനോയ് വിശ്വത്തിന്റെ മകളും

ചാനൽ ചർച്ചകളിലെ പാർട്ടിമുഖം: പാർട്ടിയോട് അചഞ്ചലമായ വിശ്വസ്തതയും കൂറും; പാർട്ടിയുടെ മുഖമായ അഭിഭാഷക രശ്മിത രാമചന്ദ്രൻ ഇനി ഗവൺമെന്റ് പ്ലീഡർ; പട്ടികയിൽ മുൻമന്ത്രി ബിനോയ് വിശ്വത്തിന്റെ മകളും

Spread the love

തേർഡ് ഐ ബ്യൂറോ

തിരുവനന്തപുരം: ചാനൽ ചർച്ചകളിലെ പാർട്ടിയുടെ വിശ്വസ്തമുഖമായിരുന്ന രശ്മിത രാമചന്ദ്രനെ സർക്കാർ അഭിഭാഷക പാനലിൽ നിയമിച്ച് പിണറായി സർക്കാർ. ചാനൽ ചർച്ചകളിലും സോഷ്യൽ മീഡിയയിലും സജീവമായ രശ്മിതയെയാണ് ഇപ്പോൾ സോഷ്യൽ മീഡിയയിലെ മുഖമാക്കി മാറ്റിയിരിക്കുന്നത്.

20 ഇരുപത് സ്പെഷ്യൽ ഗവൺമെന്റ് പ്ലീഡർമാർ, 53 സീനിയർ ഗവൺമെന്റ് പ്ലീഡർമാർ, 52 ഗവൺമെന്റ് പ്ലീഡർമാർ എന്നിവരുടെ നിയമന ഉത്തരവാണ് പുറത്തിറങ്ങിയത്. ഒരു സീനിയർ ഗവൺമെന്റ് പ്ലീഡർ സ്ഥാനം ഒഴിച്ചിട്ടിട്ടുമുണ്ട്. 20 സ്പെഷ്യൽ ഗവൺമെന്റ് പ്ലീഡർമാരിൽ അഞ്ച് പേർ വനിതകളാണ്.

തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Whatsapp Group 1 | Whatsapp Group 2 |Telegram Group

പി. സന്തോഷ് കുമാർ (വ്യവസായം), രാജേഷ് എ ( വിജിലൻസ്), റോബിൻ രാജ് (എസ് സി / എസ് ടി), എസ് യു നാസർ (ക്രിമിനൽ), കെ ബി രാമാനന്ദ് (അഡീഷണൽ അഡ്വക്കേറ്റ് ജനറലിന്റെ ഓഫീസ്), മുഹമ്മദ് റഫീഖ് (നികുതി), താജുദ്ദീൻ പി പി (സഹകരണം), എം എൽ സജീവൻ (റവന്യു), രഞ്ജിത്ത് എസ് (അഡീഷണൽ അഡ്വക്കേറ്റ് ജനറലിന്റെ ഓഫീസ്), എം എച്ച് ഹനിൽ കുമാർ (റവന്യു), ടി പി സാജൻ (ഫോറസ്റ്റ്), സിറിയക് കുര്യൻ (ജലസേചനം) എന്നിവരാണ് മറ്റ് സ്പെഷ്യൽ ഗവൺമെന്റ് പ്ലീഡർമാർ.

53 സീനിയർ ഗവൺമെന്റ് പ്ലീഡർമാരിൽ രാജ്യസഭാ അംഗം ബിനോയ് വിശ്വത്തിന്റെ മകൾ സൂര്യ ബിനോയ്, സുപ്രീം കോടതി മുൻ ജഡ്ജിയും നിലവിലെ ലോകായുക്തയുമായ സിറിയക് ജോസഫിന്റെ സഹോദരി പുത്രി തുഷാര ജയിംസും ഉൾപെടുന്നു. ഇവർ ഒന്നാം പിണറായി സർക്കാരിന്റെ ഗവൺമെന്റ് പ്ലീഡർ ആയിരുന്നു. ഇത്തവണ സീനിയർ ഗവൺമെന്റ് പ്ലീഡറായി സ്ഥാനക്കയറ്റം ലഭിക്കുകയായിരുന്നു.

ഗവൺമെന്റ് പ്ലീഡർമാരായി നിയമിതരായവരിൽ ഏറ്റവും ശ്രദ്ധേയമായത് സുപ്രീം കോടതി അഭിഭാഷകയായ രശ്മിത രാമചന്ദ്രന്റെ പേരാണ്. സുപ്രീം കോടതിയിൽ സിപിഎം നേതാക്കൾക്കും, പോഷക സംഘടനകൾക്കുമായി നിരവധി കേസുകൾ രശ്മിത രാമചന്ദ്രനാണ് ഫയൽ ചെയ്തിട്ടുള്ളത്. അടുത്തായി ജോൺ ബ്രിട്ടാസിന് വേണ്ടി വാക്‌സിനേഷൻ കേസിലും കേസ് ഫയൽ ചെയ്തത് രശ്മിതയാണ്.