ശാസ്ത്രിറോഡിലെ കുഴി അടച്ചു; നടപടി തേർഡ് ഐ ന്യൂസ് വാർത്തയെ തുടർന്ന്

സ്വന്തം ലേഖകൻ

കോട്ടയം: ശാസ്ത്രി റോഡിൽ നമ്പർ പ്ലേറ്റ് കടകളുടെ മുൻഭാഗത്തുണ്ടായിരുന്ന അപകടകുഴി ഇന്ന് രാവിലെ 10 മണിയോടെ പി.ഡബ്ല്യു.ഡി അധികൃതർ അടച്ചു.

തേർഡ് ഐ ന്യൂസ് ഇത് സംബന്ധിച്ച് ഇന്നലെ വാർത്ത പ്രസിദ്ധീകരിച്ചിരുന്നു. രണ്ട് മാസത്തിലേറെയായി കുഴിയിൽ വീണ് അനവധി പേർക്കാണ് പരിക്ക് പറ്റിയിരുന്നത്.

സമീപത്തെ വ്യാപാരികൾ പല തവണ പി.ഡബ്ല്യു.ഡിയെ സമീപിച്ചിരുന്നെങ്കിലും കുഴി മൂടാൻ നടപടി എടുത്തിരുന്നില്ല.