ഇടുക്കിയിൽ രണ്ട് പേർക്ക് കൊവിഡ് സ്ഥിരീകരിച്ചു; 5 പേർക്ക് ഇന്ന് രോഗമുക്തി: നിലവിൽ ചികിത്സയിലുള്ളത് 52 പേർ
സ്വന്തം ലേഖകൻ
മൂന്നാർ : ഇടുക്കി ജില്ലയിൽ ഇന്ന് രണ്ട് പേർക്ക് കൂടി കൊവിഡ് 19 സ്ഥിരീകരിച്ചു. ഇന്ന് രോഗം സ്ഥിരീകരിച്ചതിൽ ഒരാൾ ജൂണ്‍ 11 ന് തമിഴ്‌നാട് മാര്‍ത്താണ്ടത്ത് നിന്നും എത്തിയ തൊടുപുഴ കരിങ്കുന്നം സ്വദേശിയാണ്.
ഇയാൾ തമിഴ്‌നാട്ടിൽ നിന്നും ട്രാവലറിന് തിരുവനന്തപുരത്തെത്തുകയും അവിടെ നിന്ന് തിരുവനന്തപുരം-കണ്ണൂര്‍ പ്രത്യേക ട്രെയിനില്‍ കോട്ടയത്തെത്തി അവിടുന്ന് കരിങ്കുന്നത്തേക്ക് ജീപ്പിലെത്തി വീട്ടില്‍ നിരീക്ഷണത്തിലായിരുന്നു.
Whatsapp Group 1 | Whatsapp Group 2 |Telegram Group
രണ്ടാമത്തെയാൾ ജൂണ്‍ 23 ന് മസ്‌കറ്റില്‍ നിന്നും കൊച്ചിയിലെത്തിയ വണ്ടിപ്പെരിയാർ സ്വദേശിയായ 44 വയസുകാരനാണ്. ഇയാൾ കൊച്ചിയില്‍ നിന്നും തൊടുപുഴയിലേക്ക് കെ.എസ്.ആര്‍.ടി.സി ബസിൽ തൊടുപുഴയിൽ എത്തുകയും, ജില്ലാ ആശുപത്രിയില്‍ നിരീക്ഷണത്തിലാകുകയും ചെയ്തിരുന്നു.
ജില്ലയിൽ കൊവിഡ് 19 സ്ഥിരീകരിച്ച് ചികിത്സയിലായിരുന്ന 5 പേർ ഇന്ന് രോഗമുക്തി നേടി. ഇതോടെ ജില്ലയിൽ ആകെ രോഗമുക്തി നേടിയവരുടെ എണ്ണം 46 ആയി. നിലവിൽ 52 പേരാണ് ജില്ലയിൽ കൊവിഡ് 19 ബാധിച്ച് ചികിത്സയിലുള്ളത്. ജില്ലയുടെ വിവിധയിടങ്ങളിലായി 4376 പേർ വീടുകളിലും, 55 പേർ ആശുപത്രികളിലും കൊവിഡ് നിരീക്ഷണത്തിലുണ്ട്.
