രാജ്യത്ത് ഇന്ന് മുതല്‍ ട്രെയിനുകള്‍ ഓടിത്തുടങ്ങും ; ഡല്‍ഹിയില്‍ നിന്നും കേരളത്തിലേക്ക് ആഴ്ചയില്‍ മൂന്ന് ട്രെയിന്‍ സര്‍വീസുകള്‍ ; സംസ്ഥാനത്ത് മൂന്ന് സ്റ്റോപ്പുകള് മാത്രം : ഇന്ന് മുതല്‍ ആരംഭിക്കുന്ന ട്രെയിന്‍ സര്‍വീസുകള്‍ ഇവയൊക്കെ
സ്വന്തം ലേഖകന്‍
ന്യൂഡല്‍ഹി: കൊറോണ വൈറസ് വ്യാപനത്തിന്റെ പശ്ചാത്തലത്തില്‍ സര്‍വീസ് നിര്‍ത്തി വച്ചിരുന്ന ട്രെയിന്‍ സര്‍വീസുകള്‍ പുനരാരംഭിക്കും. രാജ്യത്തെ 15 പ്രധാന നഗരങ്ങളിലേക്ക് ഡല്‍ഹിയില്‍ നിന്നും 15 ട്രെയിനുകളാണ് പ്രത്യേക സര്‍വീസ് നടത്തുക. ഐആര്‍സിടിസി വഴി ആരംഭിച്ച ടിക്കറ്റ് വില്‍പ്പന മിനുറ്റുകള്‍ക്കകമാണ് പൂര്‍ത്തിയായത്.
കേരളത്തിലേക്ക് നാളെ മുതല്‍ ആയിരിക്കും ട്രെയിനുകള്‍ സര്‍വീസ് നടത്തുക. ഡല്‍ഹിയില്‍ നിന്ന് കേരളത്തിലേക്ക് ആഴ്ചയില്‍ മൂന്ന് ട്രെയിന്‍ സര്‍വീസ് വീതം നടത്താന്‍ തീരുമാനമായി.
Whatsapp Group 1 | Whatsapp Group 2 |Telegram Group
ചൊവ്വാഴ്ചയും ഞായറാഴ്ചയും സര്‍വീസ് ഉണ്ടാകും. ചൊവ്വ, വ്യാഴം, വെളളി ദിവസങ്ങളില്‍ തിരുവനന്തപുരത്ത് നിന്ന് തിരിച്ചും സര്‍വീസ് നടത്തും. ആലപ്പുഴ വഴിയുളള ട്രെയിനിന് കേരളത്തില്‍ മൂന്ന് സ്റ്റോപ്പുകള് ഉണ്ടാകും. തിങ്കളാഴ്ച വൈകുന്നേരം നാലിനാണ് ബുക്കിംഗ് തുടങ്ങുക.
അതേസമയം ഡല്‍ഹിയില്‍ കുടുങ്ങിയ മലയാളികള്‍ക്കായുളള ശ്രമിക് ട്രെയിന്‍ പതിനഞ്ചിനായിരിക്കും പുറപ്പെടുക. എന്നാല്‍ കേരളത്തില്‍ എവിടേക്കാണ് സര്‍വീസ് എന്ന് തീരുമാനിച്ചിട്ടില്ല. തൊഴിലാളികള്‍, വിദ്യാര്‍ത്ഥികള്‍ എന്നിവര്‍ക്കാകും മുന്‍ഗണന. സംസ്ഥാനം ഇതിന് അനുമതി നല്‍കിയ ശേഷം മുന്‍ഗണന ക്രമം അനുസരിച്ചുള്ള പട്ടിക തയാറാക്കുമെന്ന് കേന്ദ്രസര്‍ക്കാര്‍ വൃത്തങ്ങള്‍ അറിയിച്ചു. മറ്റന്നാള്‍ പുറപ്പെടുന്ന ആദ്യ ട്രെയിന്‍ വെള്ളിയാഴ്ചയാണ് തിരുവനന്തപുരത്ത് എത്തുക.
ആഴ്ചയില്‍ മൂന്ന് രാജധാനി സര്‍വീസുകളാണ് ആദ്യ ഘട്ടത്തില്‍ തിരുവനന്തപുരത്തേക്കും തിരിച്ചും ഉണ്ടാവുക. നേരത്തെ ഹസ്രത്ത് നിസാമുദീനില്‍നിന്ന് ആരംഭിച്ചിരുന്ന രാജധാനി സര്‍വീസുകള്‍ ഇത്തവണ ന്യൂഡല്‍ഹിയില്‍ നിന്നായിരിക്കും പുറപ്പെടുക.
ട്രെയിനുകള്‍ കൊങ്കണ്‍ പാത വഴിയായിരിക്കും സര്‍വീസുകള്‍ നടക്കുക. തിരുവനന്തപപുരം, എറണാകുളം, കോഴിക്കോട് എന്നിവിടങ്ങളിലായിരിക്കും ട്രെയിനിന് കേരളത്തില്‍ സ്റ്റോപ്പുകള്. ട്രെയിന്‍ യാത്ര ചെയ്യുന്ന മറ്റ് അഞ്ച് സംസ്ഥാനങ്ങളില്‍ ഒരോ സ്റ്റോപ്പുകള് വീതമാണുളളത്.
യാത്രക്കാര്‍ക്കായി പ്ലാറ്റ്‌ഫോം ടിക്കറ്റുകളോ ആര്‍.എ.സി ടിക്കറ്റുകളോ ഉണ്ടായിരിക്കില്ല. മുഖാവരണം ഉള്‍പ്പടെയുള്ള നിബന്ധനകള്‍ യാത്രക്കാര്‍ പാലിക്കണം. കൊറോണ വൈറസ് രോഗബാധയുടെ ലക്ഷണങ്ങള്‍ കാണിക്കാത്തവര്‍ക്ക് മാത്രമാണ് യാത്രാനുമതി. കൂടാതെ യാത്രയ്ക്ക് മന്‍പായി ശരീരോഷ്മാവ് പരിശോധിക്കും.
മെയ് 12 മുതലുള്ള ട്രെയിന്‍ സര്‍വീസുകള്‍
1. ഹൗറ – ന്യൂഡല്‍ഹി(ദിവസേന)- മെയ് 12
2. ന്യൂഡല്‍ഹി- ഹൗറ(ദിവസേന)- മെയ്13
3. രാജേന്ദ്രനഗര്‍- ന്യൂഡല്‍ഹി(ദിവസേന)-മെയ് 12
4. ന്യൂഡല്‍ഹി- രാജേന്ദ്രനഗര്‍(ദിവസേന)- മെയ്13
5. ന്യൂഡല്‍ഹി-ദീബ്രുഗഡ്(ദിവസേന)- മെയ് 12
6. ദീബ്രുഗഡ് -ന്യൂഡല്‍ഹി(ദിവസേന)- മെയ്14
7. ന്യൂഡല്‍ഹി- ജമ്മു താവി(ദിവസേന)- മെയ് 12
8. ജമ്മു താവി- ന്യൂഡല്‍ഹി(ദിവസേന)- മെയ് 13
9. ബംഗളൂരു- ന്യൂഡല്‍ഹി(ദിവസേന)- മെയ് 12
10. ന്യൂഡല്‍ഹി-ബംഗളൂരു-(ദിവസേന)- മെയ് 14
11. ന്യൂഡല്‍ഹി-തിരുവനന്തപുരം(ചൊവ്വ, ബുധന്‍, ഞായര്‍) – മെയ് 13
12. തിരുവനന്തപുരം-ന്യൂഡല്‍ഹി(ചൊവ്വ,വ്യാഴം,വെള്ളി)- മെയ് 15
13.ന്യൂഡല്‍ഹി- ചെന്നൈ- (ബുധന്‍,വെള്ളി)മെയ്13
14. ചെന്നൈ- ന്യൂഡല്‍ഹി(വെള്ളി,ഞായര്‍)- മെയ്15
15. ന്യൂഡല്‍ഹി -ബിലാസ്പുര്‍-(വ്യാഴം,ശനി)- മെയ് 12
16. ബിലാസ്പൂര്‍-ന്യൂഡല്‍ഹി- (തിങ്കള്‍,വ്യാഴം)- മെയ് 14
17. റാഞ്ചി-ന്യൂഡല്‍ഹി- (വ്യാഴം,ഞായര്‍)- മെയ് 14
18. ന്യൂഡല്‍ഹി-റാഞ്ചി-(ബുധന്‍,ശനി) – മെയ് 12
19. ന്യൂഡല്‍ഹി-മുംബൈ (ദിവസേന)- മെയ് 13
20. മുംബയ് -ന്യൂഡല്‍ഹി(ദിവസേന)- മെയ് 12
21. ന്യൂഡല്‍ഹി- അഹമ്മദാബാദ്(ദിവസേന)- മെയ് 13
22. അഹമ്മദാബാദ്-ന്യൂഡല്‍ഹി(ദിവസേന)- മെയ് 12
23. ന്യൂഡല്‍ഹി-അഗര്‍ത്തല(ബുധന്‍)- മെയ് 20
24. അഗര്‍ത്തല- ന്യൂഡല്‍ഹി- (തിങ്കള്‍)- മെയ്18
25. ന്യൂഡല്‍ഹി-ഭുവനേശ്വര്‍(ദിവസേന)- മെയ് 14
26. ഭുവനേശ്വര്‍-ന്യൂഡല്‍ഹി-(ദിവസേന)- മെയ് 13
27. ന്യൂഡല്‍ഹി-മഡ്ഗാവ് -(വെള്ളി,ശനി)- മെയ് 15
28. മഡ്ഗാവ്-ന്യൂഡല്‍ഹി-(തിങ്കള്‍,ഞായര്‍)- മെയ് 17
29. ന്യൂഡല്‍ഹി-സെക്കന്തരാബാദ്-(ഞായര്‍)- മെയ് 17
30. സെക്കന്തരാബാദ്-ന്യൂഡല്‍ഹി-(ബുധന്‍)- മെയ് 20
കേരളത്തിലേക്ക് സര്‍വീസ് നടത്തുന്ന ട്രെയിനുകള്‍
1. ന്യൂല്‍ഹി – തിരുവനന്തപുരം ( രാജധാനി എക്‌സ്പ്രസ്സ് 02432) –
ഡല്‍ഹി -11.25 am ( ചൊവ്വാ, ബുധന്‍, വ്യാഴം )
തിരുവനന്തപുരം – 5.25 am
സ്റ്റോപ്പുകള് ( കോഴിക്കോട്- എറണാകുളം-തിരുവനന്തപുരം )
2. തിരുവനന്തപുരം -ന്യൂഡല്‍ഹി ( രാജധാനി എക്‌സ്പ്രസ്സ് 02431)
തിരുവനന്തപുരം – 10.45 (ചൊവ്വാ, വ്യാഴം, വെള്ളി)
ഡല്‍ഹി – 12.40
സ്റ്റോപ്പുകള് – തിരുവനന്തപുരം- എറണാകുളം- കോഴിക്കോട്
