ജനതാ കർഫ്യൂവിൽ സഹകരിച്ച് കടകൾ അടയ്ക്കും: ഹോട്ടൽ ആൻഡ് റസ്റ്ററൻ്റ് അസോസിയേഷൻ

സ്വന്തം ലേഖകൻ

കോട്ടയം: കൊറോണ ബാധ തടയുന്നതിനുള്ള പ്രധാനമന്ത്രി നരേന്ദ്ര മോദിയുടെയും മുഖ്യമന്ത്രി പിണറായി വിജയൻ്റെയും ആഹ്വാന പ്രകാരം ജനതാ കർഫ്യൂവുമായി സഹകരിക്കുമെന്ന് ഹോട്ടൽ ആൻഡ് റസ്റ്ററൻ്റ് അസോസിയേഷൻ ജില്ലാ കമ്മിറ്റി പ്രസ്ഥാവനയിൽ അറിയിച്ചു.

ജനതാ കർഫ്യൂവിൻ്റെ ഭാഗമായി ജില്ലയിലെ എല്ലാ ഹോട്ടലുകളും അടച്ചിടും.

വൈറസ് ബാധ തടയാൻ സർക്കാരുകളും ആരോഗ്യ വകുപ്പും നിർദേശിക്കുന്ന എല്ലാ മാനദണ്ഡങ്ങളും പാലിക്കുമെന്നും അസോസിയേഷൻ ജില്ലാ പ്രസിഡൻ്റ് കെ.കെ ഫിലിപ്പ് കുട്ടിയും , സെക്രട്ടറി എൻ.പ്രതീഷും പ്രസ്താവനയിൽ അറിയിച്ചു.