കൊച്ചി: പെരിയാറിന്റെ കുറുകെയുള്ള ശബരിപാതയുടെ പാലത്തില് നിന്ന് പുഴയില് വീണ് ഡിവൈഎഫ്ഐ യുവ നേതാവ് മരിച്ചു.
പെരുമ്പാവൂര് മുടക്കുഴ ഇളമ്പകപ്പിള്ളി പനമഠം വീട്ടില് ബിജുവിന്റെയും ബിന്ദുവിന്റെയും മകള് അഞ്ജന ബിജു (22) ആണ് മരിച്ചത്. കോലഞ്ചേരി സെന്റ് പീറ്റേഴ്സ് കോളേജില് ബി എ വിദ്യാര്ഥിനിയായിരുന്നു.
തിങ്കളാഴ്ച രാവിലെ 10.30ഓടെയായിരുന്നു സംഭവം. കണ്ടുനിന്നവര് ഉടനെ ആളുകളെ വിളിക്കുകയും അഞ്ജനയെ പുഴയില് നിന്നെടുത്ത് ആശുപത്രിയില് എത്തിക്കുകയും ചെയ്തെങ്കിലും രക്ഷിക്കാനായില്ല. പെരുമ്പാവൂര് പൊലീസ് തുടര് നടപടികള് സ്വീകരിച്ചു. ഡിവൈഎഫ്ഐ മുടക്കുഴ മേഖലയുടെ വൈസ് പ്രസിഡന്റാണ് അഞ്ജന.
Whatsapp Group 1 | Whatsapp Group 2 |Telegram Group
സിപിഐഎം മുടക്കുഴ ലോക്കല് കമ്മിറ്റി അംഗമാണ് അമ്മ ബിന്ദു. അങ്കമാലി ലിറ്റില് ഫ്ളവര് ആശുപത്രിയില് സൂക്ഷിച്ചിരിക്കുന്ന മൃതദേഹം ഇന്ന് പോസ്റ്റ്മോര്ട്ടത്തിന് ശേഷം സംസ്കരിക്കും. അനശ്വരയാണ് സഹോദരി.
