കോട്ടയം : പൊൻകുന്നം – പാലാ റോഡിലെ ഒന്നാം മൈലിൽ ഇന്ന് (23/05/26) രാവിലെ നിയന്ത്രണം വിട്ട് കാറും ബൈക്കും കൂട്ടിയിടിച്ച് അപകടം. അപകടത്തിൽ ബൈക്ക് യാത്രക്കാരായ രണ്ടുപേർക്ക് പരിക്കേറ്റു. ഇവരെ നാട്ടുകാരും മറ്റ് വാഹനയാത്രികരും ചേർന്ന് ഉടൻ തന്നെ സമീപത്തെ ആശുപത്രിയിൽ എത്തിച്ചു.
പാലാ ഭാഗത്തുനിന്നും വന്ന ബൈക്കും പൊൻകുന്നം ഭാഗത്തുനിന്നും പോയ കാറുമാണ് അപകടത്തിൽപ്പെട്ടത്. ഒന്നാം മൈൽ ബസ് സ്റ്റോപ്പിൽ നിർത്തിയിട്ടിരുന്ന ബസ്സിനെ മറികടക്കാൻ ശ്രമിച്ച ബൈക്കിലേക്ക് എതിർദിശയിൽ നിന്നെത്തിയ കാർ ഇടിക്കുകയായിരുന്നു.
പൊൻകുന്നം ഭാഗത്തുനിന്നും വന്ന കാർ റോഡിന്റെ സെന്റർ ലൈൻ മറികടന്ന് വലതുവശത്തേക്ക് കയറി മറ്റൊരു വാഹനത്തെ ഓവർടേക്ക് ചെയ്യാൻ ശ്രമിച്ചതാണ് അപകടത്തിന് കാരണമായതെന്ന് സംഭവസ്ഥലത്തുണ്ടായിരുന്ന ദൃക്സാക്ഷികൾ പറഞ്ഞു.
Whatsapp Group 1 | Whatsapp Group 2 |Telegram Group
ഇടിയുടെ ആഘാതത്തിൽ ബൈക്ക് റോഡരികിലെ ഓടയിലേക്ക് മറിഞ്ഞു. കാറിന്റെ മുൻഭാഗവും വിൻഡ്ഷീൽഡും പൂർണ്ണമായും തകർന്ന നിലയിലാണ്. റോഡിൽ സിഗ്നൽ ലൈനുകൾക്ക് സമീപം അപകടത്തിൽപ്പെട്ട വാഹനങ്ങളുടെ അവശിഷ്ടങ്ങളും ചിതറിക്കിടക്കുന്നുണ്ട്.
