വനിതാ പ്രീമിയര്‍ ലീഗ് : 5 ടീമുകള്‍, 4 വേദികള്‍, ഉദ്ഘാടന പോരാട്ടം നാളെ ; ഉദ്ഘാടനമായി അരങ്ങേറുന്നത് റോയല്‍ ചലഞ്ചേഴ്‌സ് ബംഗളൂരു- ഗുജറാത്ത് ജയന്റ്‌സ് പോരാട്ടം

വഡോദര: വനിതാ പ്രീമിയര്‍ ലീഗിന്റെ മൂന്നാം അധ്യായത്തിന് നാളെ തുടക്കം. വഡോദരയിലാണ് ഉദ്ഘാടന മത്സരം. നിലവിലെ ചാംപ്യന്‍മാരായ റോയല്‍ ചലഞ്ചേഴ്‌സ് ബംഗളൂരു- ഗുജറാത്ത് ജയന്റ്‌സ് പോരാട്ടമാണ് ഉദ്ഘാടനമായി അരങ്ങേറുന്നത്.

നാളെ മുതല്‍ മാര്‍ച്ച് 15 വരെയാണ് പോരാട്ടം. ഇത്തവണ നാല് വേദികളിലായാണ് പോരാട്ടം. വഡോദര, ബംഗളൂരു, ലഖ്‌നൗ, മുംബൈ എന്നിവയാണ് വേദികള്‍.

5 ടീമുകളാണ് മാറ്റുരയ്ക്കുന്നത്. റോയല്‍ ചലഞ്ചേഴ്‌സ് ബംഗളൂരു, മുംബൈ ഇന്ത്യന്‍സ്, യുപി വാരിയേഴ്‌സ്, ഗുജറാത്ത് ജയന്റ്‌സ്, ഡല്‍ഹി ക്യാപിറ്റല്‍സ് എന്നിവയാണ് ടീമുകള്‍.

22 മത്സരങ്ങള്‍ അരങ്ങേറും. വൈകീട്ട് 7.30 മുതലാണ് പോരാട്ടങ്ങള്‍. ജിയോ സിനിമയിലൂടെ മത്സരങ്ങള്‍ തത്സമയം കാണാം.

മുംബൈ ഇന്ത്യന്‍സാണ് പ്രഥമ ചാംപ്യന്‍മാര്‍. രണ്ടാം അധ്യായത്തിലാണ് ആര്‍സിബി കിരീടം സ്വന്തമാക്കിയത്.