കൊവിഡ് സംഹാരം തുടരുന്നു; ലോകത്ത് ഒരു കോടി അഞ്ച് ലക്ഷം പേർക്ക് രോഗബാധ: ലോകത്താകെ കൊവിഡ് മരണം 5.13 ലക്ഷം പിന്നിട്ടു
സ്വന്തം ലേഖകൻ
വാഷിംങ്ങ്ടൺ: ലോകത്ത് കൊവിഡ് ബാധിതരുടെ എണ്ണം ഒരു കോടി അഞ്ച് ലക്ഷം പിന്നിട്ടു. 10,583,878 പേർക്കാണ് നിലവിൽ രോഗം സ്ഥിരീകരിച്ചിരിക്കുന്നത്. ‘
ലോകത്താകമാനം കൊവിഡ് മരണ സംഖ്യ ദിനം പ്രതി ഉയരുകയാണ്. 5.13 ലക്ഷം പേർക്കാണ് കൊവിഡ് ബാധയേറ്റ് ജീവൻ നഷ്ടമായത്. കൊവിഡിന്റെ പ്രവഭ കേന്ദ്രമായി മാറിയ അമേരിക്കയിലും ബ്രസീലിലും സ്ഥിതി ഗുരുതരമായി തന്നെ തുടരുകയാണ്.
Whatsapp Group 1 | Whatsapp Group 2 |Telegram Group
ഇന്നലെ മാത്രം 37000ത്തിൽ ആധികം ആളുകൾക്ക് രോഗം സ്ഥിരീകരിച്ചു. ബ്രസീലിൽ 24 മണിക്കൂറിനിടയിൽ 35000ത്തിൽ ആധികം ആളുകൾക്കും കൊവിഡ് 19 സ്ഥിരീകരിച്ചു. ഇന്നലെ മാത്രം ബ്രസിലിൽ 1200 പേർ രോഗം ബാധിച്ച് മരിച്ചു. ഇതോടെ ബ്രസീലിലെ ആകെ കൊവിഡ് മരണം 59000 കടന്നു.
കൊവിഡ് ബാധിതരുടെ എണ്ണത്തിൽ മൂന്നാം സ്ഥാനത്ത് നിൽക്കുന്ന റഷ്യയിൽ ഇതുവരെ 6.47 ലക്ഷം ആളുകൾക്ക് രോഗം സ്ഥിരീകരിച്ചു. 9320 പേരാണ് ഇതുവരെ റഷ്യയിൽ കൊവിഡ് ബാധിച്ച് മരിച്ചത്.
എന്നാൽ രോഗ ബാധിതരുടെ എണ്ണത്തിൽ നാലാമത് നിൽക്കുന്ന ഇന്ത്യയിൽ റഷ്യയെക്കാൾ സ്ഥിതി ഗുരുതരമാണ്. രാജ്യത്ത് ഇതുവരെ 5,85,792 പേർക്ക് രോഗം ബാധിക്കുകയും 17,410 പേർക്ക് ജീവൻ നഷ്ടമാകുകയും ചെയ്തു.
