കൽപ്പറ്റ: വയനാട് മുണ്ടക്കൈ-ചൂരല്മല ടൗണ്ഷിപ്പിലെ വീടുകളില് നിര്മ്മാണ കമ്പനികളായ ഊരാളുങ്കലും കിഫ്കോണും നടത്തുന്ന സംയുക്ത പരിശോധന ഇന്ന് തുടങ്ങും.ആദ്യഘട്ടത്തിലെ 178 വീടുകളില് 102 വീടുകളുടെ പരിശോധനയാണ് ഇന്ന് ആരംഭിക്കുന്നത്.
പൂര്ണ്ണമായും നിര്മ്മാണ പ്രവര്ത്തികള് പൂര്ത്തിയാക്കിയ വീടുകളിലാണ് സംയുക്ത പരിശോധന നടത്തുന്നത്. വീടുകളുടെ നിര്മ്മാണത്തില് അപാകത ഇല്ലെന്ന് ഉറപ്പിക്കുകയാണ് ലക്ഷ്യം. മൂന്ന് ഘട്ടങ്ങളിലായാണ് പരിശോധന പൂര്ത്തിയാക്കുക.
വീട് ഗുണഭോക്താക്കള്ക്ക് താമസിക്കുന്നതിനായി കൈമാറുന്നതിന് മുൻപ് വീട്ടുകാരെ ഉള്പ്പെടുത്തികൊണ്ടും പരിശോധന നടത്തും. മൂന്നാംഘട്ട പരിശോധനയിലാണ് വീടിന്റെ ഗുണഭോക്താക്കളായവരെയും ഉള്പ്പെടുത്തി പരിശോധിക്കുക.
Whatsapp Group 1 | Whatsapp Group 2 |Telegram Group
ആദ്യം ഊരാളുങ്കല് അധികൃതരാണ് പരിശോധന നടത്തുക. ശേഷം കിഫ്കോണ് അധികൃതരുമായി ചേര്ന്നുള്ള പരിശോധന നടത്തും.
ടൗണ്ഷിപ്പില് ഇതുവരെ 308 വീടുകളുടെ വാര്പ്പാണ് പൂര്ത്തിയാക്കിയത്. ആദ്യഘട്ടത്തില് ഗുണഭോക്താക്കള്ക്ക് താമസസജ്ജമായ 178 വീടുകള്ക്കൊപ്പം തന്നെ ബാക്കിയുള്ള വീടുകളുടെ അനുബന്ധ പ്രവര്ത്തനങ്ങള് പുരോഗമിക്കുകയാണ്.
