സ്വന്തം ലേഖിക
കൊച്ചി :മലയാള സിനിമാസ്വാദകര് ഏറെ പ്രതീക്ഷയോടെ കാത്തിരുന്ന ചിത്രമാണ് ‘പത്തൊമ്ബതാം നൂറ്റാണ്ട്’.
സിജു വില്സനെ നായകനാക്കി വിനയന് സംവിധാനം ചെയ്ത ചിത്രം തിരുവോണ നാലിൽ തിയറ്ററുകളില് എത്തി കഴിഞ്ഞു. മികച്ച പ്രതികരണമാണ് പ്രേക്ഷകരില് നിന്നും ചിത്രത്തിന് ലഭിച്ചു കൊണ്ടിരിക്കുന്നത്. നവോത്ഥാന നായകന് ആറാട്ടുപുഴ വേലായുധ പണിക്കരായെത്തിയ സിജുവിന്റെ പ്രകടനത്തെ പ്രശംസിച്ച് കൊണ്ട് നിരവധി പേരാണ് രംഗത്തെത്തിയത്. ഇപ്പോഴിതാ സിജുവിനെ പ്രശംസിച്ച് കൊണ്ട് വിനയന് പങ്കു വച്ച പോസ്റ്റാണ് ശ്രദ്ധനേടുന്നത്.
സിജു വിത്സന് തന്നെ ചുംബിക്കുന്ന ഫോട്ടോ സഹിതമാണ് വിനയന് പോസ്റ്റ് പങ്കുവച്ചിരിക്കുന്നത്. കരുത്തനായ ഒരു ആക്ഷന് ഹീറോയെ മലയാള സിനിമയ്ക്ക് സമ്മാനിക്കാന് കഴിഞ്ഞതില് ഏറെ സന്തോഷവാനാണെന്നും ആറാട്ടുപുഴ വേലായുധപ്പണിക്കരാകാന് വേണ്ടി ആത്മ സമര്പ്പണം ചെയ്ത സിജു ഇനിയും ഉയരങ്ങളിലേക്കു പറക്കട്ടെയെന്നും വിനയന് കുറിക്കുന്നു.
Whatsapp Group 1 | Whatsapp Group 2 |Telegram Group
വിനയന്റെ വാക്കുകള് ഇങ്ങനെ
സിജു എനിക്കു തന്ന ഈ സ്നേഹചുംബനം..ഞാന് ഏറെ സ്നേഹിക്കുന്ന മലയാള സിനിമയും മലയാളികളും എനിക്കു തന്ന സ്നേഹ സമ്മാനമായി ഞാന് കാണുന്നു, കരുത്തനായ ഒരു ആക്ഷന് ഹീറോയെ മലയാളസിനിമയ്കു സമ്മാനിക്കാന് കഴിഞ്ഞതില് ഏറെ സന്തോഷവാനാണു ഞാന്… ആറാട്ടുപുഴ വേലായുധപ്പണിക്കരാകാന് വേണ്ടി ആത്മ സമര്പ്പണം ചെയ്ത സിജു ഇനിയും ഇനിയും ഉയരങ്ങളിലേക്കു പറക്കട്ടെ.. അതിനൊരു താങ്ങായി ഞാനുണ്ടാകും… എന്നെസ്നേഹിച്ച, നില നിര്ത്തിയ പ്രിയ മലയാളത്തിനും നന്ദി…
കയാദു ലോഹര് ആണ് പത്തൊമ്ബതാം നൂറ്റാണ്ടില് നായികയായി എത്തുന്നത്. നങ്ങേലിയായാണ് കയാദു സ്ക്രീനില് എത്തിയത്. ചെമ്ബന് വിനോദ്, അനൂപ് മേനോന്, സുധീര് കരമന, സുരേഷ് കൃഷ്ണ, ഇന്ദ്രന്സ്, രാഘവന്, അലന്സിയര്, ശ്രീജിത്ത് രവി, അശ്വിന്, ജോണി ആന്റണി, ജാഫര് ഇടുക്കി, സെന്തില് കൃഷ്ണ, മണിക്കുട്ടന്, വിഷ്ണു വിനയ്, സ്ഫടികം ജോര്ജ്, സുനില് സുഖദ, ചേര്ത്തല ജയന്, കൃഷ്ണ, ബിജു പപ്പന്, ബൈജു എഴുപുന്ന, ഗോകുലന്, വി കെ ബൈജു, ആദിനാട് ശശി, മനുരാജ്, രാജ് ജോസ്, പൂജപ്പുര രാധാകൃഷ്ണന്, സലിം ബാവ, ജയകുമാര്, നസീര് സംക്രാന്തി, കൂട്ടിക്കല് ജയചന്ദ്രന്, പത്മകുമാര്, മുന്ഷി രഞ്ജിത്ത്, ഹരീഷ് പെന്ഗന്, ഉണ്ണി നായര്, ബിട്ടു തോമസ്, മധു പുന്നപ്ര, മീന, രേണു സുന്ദര്, ദുര്ഗ കൃഷ്ണ, സുരഭി സന്തോഷ്, ശരണ്യ ആനന്ദ് തുടങ്ങിയവര്ക്കൊപ്പം പതിനഞ്ചോളം വിദേശ അഭിനേതാക്കളും ചിത്രത്തില് അഭിനയിച്ചു.
ഛായാഗ്രഹണം ഷാജികുമാര്, കലാസംവിധാനം അജയന് ചാലിശ്ശേരി. എക്സിക്യൂട്ടീവ് പ്രൊഡ്യൂസേഴ്സ് വി സി പ്രവീണ്, ബൈജു ഗോപാലന്, ക്യഷ്ണമൂര്ത്തി, പ്രൊജക്ട് ഡിസൈനര് ബാദുഷ, എഡിറ്റിംഗ് വിവേക് ഹര്ഷന്, മേക്കപ്പ് പട്ടണം റഷീദ്, വസ്ത്രാലങ്കാരം ധന്യ ബാലക്യഷ്ണന്, സൗണ്ട് ഡിസൈന് സതീഷ്, സ്റ്റില്സ് സലീഷ് പെരിങ്ങോട്ടുക്കര, പരസ്യകല ഓള്ഡ് മങ്ക്സ്, ചീഫ് അസോസിയേറ്റ് ഡയറക്ടര് രതീഷ് പാലോട്, അസോസിയേറ്റ് ഡയറക്ടര് ഉബൈനി യൂസഫ്, ആക്ഷന് സുപ്രീം സുന്ദര്, രാജശേഖന്, മാഫിയ ശശി, പ്രൊഡക്ഷന് കണ്ട്രോളര് ഇക്ബാല് പാനായിക്കുളം, പ്രൊഡക്ഷന് എക്സിക്യൂട്ടീവ്സ് രാജന് ഫിലിപ്പ്, ഷെറിന് സ്റ്റാന്ലി, പ്രൊഡക്ഷന് മാനേജേഴ്സ് ജിസ്സണ് പോള്, റാം മനോഹര്, വാര്ത്താ പ്രചരണം എ എസ് ദിനേശ്.
