വിജയ് ബാബുവിന് ക്രെഡിറ്റ്‌ കാർഡ് എത്തിച്ചു നൽകിയ യുവ നടിക്കെതിരെ പൊലീസ് നടപടി

സ്വന്തം ലേഖകൻ

കൊച്ചി: വിദേശത്ത്‌ ഒളിവിൽ കഴിയുന്ന വിജയ്‌ ബാബുവിനു ക്രെഡിറ്റ്‌ കാർഡ്‌ എത്തിച്ചു നൽകിയ യുവനടിക്കെതിരേ പോലീസ്‌ നടപടികൾ തുടങ്ങി. വൈകാതെ യുവനടിയെ പോലീസ്‌ ചോദ്യം ചെയ്യും. വിജയ്‌ ബാബുവിന്റെ നിർമാണ കമ്പനിയുമായി ബന്ധപ്പെട്ടു പ്രവർത്തിക്കുന്ന നടിയാണു ക്രെഡിറ്റ്‌ കാർഡുകൾ കൈമാറിയത്‌. രണ്ടു ക്രെഡിറ്റ്‌ കാർഡുകൾ യുവനടിയുടെ നേതൃത്വത്തിൽ എത്തിച്ചു നൽകിയെന്നാണു പോലീസ്‌ കണ്ടെത്തൽ.

വിജയ്‌ ബാബുവിന്റെ സിനിമ നിർമാണ കമ്പനിയായ ഫ്രൈഡേ ഫിലിംസിലെ ചിലരുടെ സഹായവും നടിക്കു ലഭിച്ചിട്ടുണ്ടെന്നും പോലീസിന്‌ സൂചന ലഭിച്ചിട്ടുണ്ട്‌. ദുബായിൽ ഒരു മാസത്തോളമായി ഒളിവിലുള്ള വിജയ്‌ ബാബു കൈയിലുള്ള പണം തീർന്നതിനെത്തുടർന്നു ക്രെഡിറ്റ്‌ കാർഡുകൾ കൈമാറാൻ സുഹൃത്തായ യുവനടിയോട്‌ ആവശ്യപ്പെടുകയായിരുന്നു.