നിർധന വിദ്യാർത്ഥികൾക്ക് വിദ്യാഭ്യാസ ധനസഹായവും ഓണകിറ്റും കൈമാറി: മാതൃകയായത് കുമരകത്തെ മണ്ഡലം ചാരിറ്റബിൾ സൊസൈറ്റി

കുമരകം : നിർധന വിദ്യാർത്ഥികൾക്ക് കൈത്താങ്ങാകുവാൻ സുമനസ്സുകളുടെ സഹായത്തോടെ മണ്ഡലം ചാരിറ്റബിൾ സൊസൈറ്റി രൂപീകരിച്ച വിദ്യാമൃതം പദ്ധതിയുടെ ഭാഗമായി എ ബി എം ഗവൺമെൻറ് യുപി സ്കൂളിലെ നിർധനരായ 10 വിദ്യാർത്ഥികൾക്ക് വിദ്യാഭ്യാസ ധനസഹായവും ഓണകിറ്റും നൽകി.

2023 – 2024 അക്കാദമി വർഷത്തെ വിദ്യാഭ്യാസസഹായ ധനത്തിൻ്റെ ആദ്യ ഗഡു തുകയാണ് മണ്ഡലം ചാരിറ്റബിൾ സൊസൈറ്റിയുടെ പ്രസിഡന്റ് ആശിഷ് ബൈജു രക്ഷിതാക്കൾക്ക് കൈമാറിയത് .

പി റ്റി എ പ്രസിഡന്റ് ഷാനവാസ് ഖാൻ അദ്ധ്യക്ഷത വഹിച്ച യോഗത്തിന് സ്കൂൾ ഹെഡ് മിസ്ട്രസ് ടെസ്സി മോൾ സ്വാഗതം ആശംസിച്ചു. സൊസൈറ്റി ജനറൽ കൺവീനർ ലക്ഷ്മീകാന്ത് എൽ.ആർ യോഗം ഉദ്ഘാടനം ചെയ്ത് സംസാരിച്ചു.

സ്കൂൾ സീനിയർ അസിസ്റ്റൻ്റ് സുരേന്ദ്രൻ നന്ദി രേഖപ്പെടുത്തി. സൊസൈറ്റി വൈസ് പ്രസിഡന്റ് ജിനു പ്രസാദ് , സെക്രട്ടറി അനൂപ് കെ വി , സ്പോർട്സ് കൺവീനർ വിഷ്ണു ബാബു , സുനി എ.എസ് , അരവിന്ദ് സുകുമാരൻ തുടങ്ങിയവർ ചടങ്ങിൽ സംബന്ധിച്ചു .

പദ്ധതി നടത്തിപ്പിനായി കുട്ടികളുടെ വിദ്യാഭ്യാസ ചെലവ് സ്പോൺസർ ചെയ്ത സുമനസ്സുകൾക്ക് മണ്ഡലം ചാരിറ്റബിൾ സൊസൈറ്റി പ്രവർത്തകർ നന്ദി അറിയിച്ചു.