എറണാകുളം: യാത്രക്കാർ ഏറെ കാത്തിരുന്ന എറണാകുളം-ബെംഗളൂരു വന്ദേ ഭാരത് ട്രെയിൻ പ്രധാനമന്ത്രി ശനിയാഴ്ച വെർച്വലായി ഫ്ലാഗ് ഓഫ് ചെയ്യും.
ദീർഘകാലമായുള്ള ബെംഗളൂരു മലയാളികളുടെ ആവശ്യമാണ് ഇതോടെ യാഥാർത്ഥ്യമാകുന്നത്. ട്രെയിൻ ഞായറാഴ്ച മുതല് സർവ്വീസ് നടത്തും. ട്രെയിൻ ആഴ്ചയില് ആറ് ദിവസവും സർവീസ് നടത്തും. ബുധനാഴ്ച ഒഴികെയുള്ള ദിവസങ്ങളിലാണ് സർവീസ്.
ട്രെയിൻ സമയം ഇങ്ങനെ
Whatsapp Group 1 | Whatsapp Group 2 |Telegram Group
എറണാകുളത്ത് നിന്ന് ബെംഗളൂരുവിലേക്കുള്ള യാത്രാ സമയം ഏകദേശം 8 മണിക്കൂറും 40 മിനിറ്റുമായി ചുരുങ്ങും. നിലവില് 11 മണിക്കൂറോളം സമയം യാത്രക്കായി വേണ്ടി വരുന്നുണ്ട്. അതുകൊണ്ട് തന്നെ പുതിയ ട്രെയിൻ സർവ്വീസ് റൂട്ടിലെ ഗെയിം ചേഞ്ചർ ആകുമെന്നാണ് വിലയിരുത്തപ്പെടുന്നത്.
ട്രെയിൻ നമ്ബർ 26651 രാവിലെ 5:10-ന് കെ.എസ്.ആർ. ബെംഗളൂരുവില് നിന്ന് പുറപ്പെട്ട് ഉച്ചയ്ക്ക് 1:50-ന് എറണാകുളം ജംഗ്ഷനില് എത്തും. മടക്ക സർവീസായ ട്രെയിൻ നമ്ബർ 26652 ഉച്ചയ്ക്ക് 2:20-ന് എറണാകുളത്ത് നിന്ന് പുറപ്പെട്ട് രാത്രി 11:00-ന് കെ.എസ്.ആർ. ബെംഗളൂരുവില് എത്തും. രാവിലെയും വൈകുന്നേരവുമുള്ള യാത്രക്കാർക്ക് ഈ സമയക്രമം പ്രയോജനകരമാകും.
കേരളത്തിലെ സ്റ്റോപ്പുകള്
ഏഴ് സ്റ്റോപ്പുകളില് ട്രെയിൻ നിർത്തും. ബെംഗളൂരുവില് നിന്ന് എറണാകുളത്തേക്കുള്ള യാത്രാമധ്യേ കൃഷ്ണരാജപുരം, സേലം, ഈറോഡ്, തിരുപ്പൂർ, കോയമ്ബത്തൂർ, പാലക്കാട്, തൃശ്ശൂർ എന്നിവിടങ്ങളിലാണ് സ്റ്റോപ്പുകള്. കേരളത്തില് തൃശ്ശൂർ, പാലക്കാട് എന്നീ മൂന്ന് സ്റ്റേഷനുകളില് മാത്രമാണ് സ്റ്റോപ്പുകള്, എറണാകുളത്തിന് മുൻപായി മറ്റു സ്റ്റോപ്പുകളില്ല.
എറണാകുളം-ബെംഗളൂരു വന്ദേ ഭാരത് എക്സ്പ്രസിന്റെ ടിക്കറ്റ് നിരക്ക് താങ്ങാനാവുന്നതും എന്നാല് പ്രീമിയം സേവനങ്ങള് നല്കുന്നതുമാണ്. സൗജന്യ ഭക്ഷണവും ഇതില് ഉള്പ്പെടും. എ.സി. ചെയർ കാർ ക്ലാസിന് പൂർണ്ണ യാത്രയ്ക്ക് 1,465 ആണ് നിരക്ക്. എക്സിക്യൂട്ടീവ് ചെയർ കാറിന് 2,945 വരും.
കേരളത്തില് വന്ദേ ഭാരത് സർവീസുകള്ക്ക് വലിയ ഡിമാൻഡാണ് ഉള്ളത്. നിലവില് സർവ്വീസ് നടത്തുന്ന മൂന്ന് ട്രെയിനുകളിലും നൂറ് ശതമാനമാണ് ഒക്യുപെൻസി റേറ്റ്. . കൂടുതല് ട്രെയിനുകള്ക്കും സ്റ്റോപ്പുകള്ക്കുമായി യാത്രക്കാർ വലിയരീതിയില് സമ്മർദ്ദം ചെലുത്തുന്നുണ്ട്.
തിരുവനന്തപുരം-നിലമ്ബൂർ പോലുള്ള റൂട്ടുകളും, ആവശ്യത്തിന് സേവനമില്ലാത്ത പ്രദേശങ്ങളിലേക്ക് സർവീസുകള് നീട്ടുന്നതും ഉള്പ്പെടെയുള്ള നിർദേശങ്ങള് ഉയർന്നിട്ടുണ്ട്. തിരക്കേറിയ പാതകളിലെ ട്രാക്ക് തിരക്ക് ആണ് പുതിയ സർവ്വീസുകള്ക്ക് വെല്ലുവിളി തീർക്കുന്നത്.
