തിരുവനന്തപുരം ലോ കോളേജില്‍ തമ്മിലടിച്ച്‌ വിദ്യാര്‍ത്ഥികള്‍; ഏറ്റുമുട്ടിയത് കെഎസ്‍യു – എസ്‌എഫ്‌ഐ പ്രവര്‍ത്തകര്‍

തിരുവനന്തപുരം: തിരുവനന്തപുരം ലോ കോളേജില്‍ തമ്മിലടിച്ച്‌ വിദ്യാര്‍ത്ഥികള്‍.

കെഎസ്‍യു പ്രവര്‍ത്തകരും എസ്‌എഫ്‌ഐ പ്രവര്‍ത്തകരും തമ്മിലാണ് ഏറ്റുമുട്ടിയത്. ഇന്ന് ഉച്ചയ്ക്ക് മൂന്ന് മണിയോടെയായിരുന്നു അക്രമം. പരിക്കേറ്റ രണ്ട് കെഎസ് യു പ്രവര്‍ത്തകര്‍ ആശുപത്രിയില്‍ ചികിത്സ തേടി.

ഉച്ചക്കുശേഷം വിദ്യാര്‍ഥികള്‍ തമ്മില്‍ കോളജ് പരിസരത്ത് പരസ്പരം ഏറ്റുമുട്ടുകയായിരുന്നു. പരിക്കേറ്റ കെഎസ് യു വിദ്യാര്‍ഥികളും എസ്‌എഫ്‌ഐ പ്രവര്‍ത്തകരും തമ്മില്‍ രാവിലെ വാക്കു തര്‍ക്കമുണ്ടായിരുന്നു.
ഇതിന്‍റെ തുടര്‍ച്ചയാണ് ഉച്ചയ്ക്കുശേഷം വീണ്ടും സംഘര്‍ഷമുണ്ടായത്.

സംഘര്‍ഷത്തിന്‍റെ വീഡിയോ ദൃശ്യങ്ങളും പുറത്തുവന്നു. വിദ്യാര്‍ത്ഥികളില്‍ ചിലരെ നിലത്തിട്ട് അടിക്കുന്നതും ദൃശ്യങ്ങളിലുണ്ട്. സംഘർഷ സാധ്യത കണക്കിലെടുത്ത് സ്ഥലത്ത് പൊലീസ് ക്യാമ്പ് ചെയ്യുന്നുണ്ട്.