മോഷണക്കേസിലെ പ്രതി കൈവിലങ്ങുമായി ഓടി; പിൻതുടർന്ന് പിടികൂടി പൊലീസ്

സ്വന്തം ലേഖകൻ

കണ്ണൂർ: പൊലീസ് സ്റ്റേഷനിൽ നിന്നു കൈ വിലങ്ങോടെ രക്ഷപ്പെട്ട പ്രതി പിടിയിൽ. മുണ്ടേരി ചാപ്പ സ്വദേശി കെപി അജ്നാസാണ് പൊലീസിന്റെ കണ്ണുവെട്ടിച്ച് വിലങ്ങുമായി രക്ഷപ്പെട്ടത്.

മയ്യിൽ പൊലീസ് സ്റ്റേഷനിൽ വച്ചാണ് സംഭവം. മൊബൈൽ ഫോൺ മോഷണ കേസിലെ പ്രതിയാണ് അജ്നാസ്.

രക്ഷപ്പെട്ടതിനു പിന്നാലെ പൊലീസ് ഇയാളെ പിന്തുടർന്നു. വേളം വായനശാലയ്ക്ക് സമീപത്തു വച്ചാണ് ഇയാൾ പിടിയിലായത്.