നി​ര്‍​മ്മാ​ണ തൊ​ഴി​ലാ​ളി​ക​ളു​ടെ പ​ണ​വും മൊ​ബൈ​ലും മ​റ്റ് വ​സ്തു​ക്ക​ളും സ്ഥി​ര​മാ​യി മോഷ്ടിക്കുക; ബൈക്കിൽ കറങ്ങിനടന്ന് പ​ല​ സ്ഥലങ്ങളിൽ നിന്നും ക​വ​ര്‍​ച്ച ന​ട​ത്തു​ക; പോ​ലീ​സി​നെ​യും നാ​ട്ടു​കാ​രെ​യും ഒരു​പോ​ലെ വ​ട്ടം​ക​റ​ക്കി​യ പ​ക​ല്‍ മോ​ഷ്ടാ​വ് ഒ​ടു​വി​ല്‍ പൊലീസ് പിടിയിൽ

തെ​ന്മ​ല : പോ​ലീ​സി​നെ​യും നാ​ട്ടു​കാ​രെ​യും ഒരു​പോ​ലെ വ​ട്ടം​ക​റ​ക്കി​യ പ​ക​ല്‍ മോ​ഷ്ടാ​വ് ഒ​ടു​വി​ല്‍ തെ​ന്മ​ല പോ​ലീ​സി​ന്‍റെ പി​ടി​യി​ല്‍. ചി​ത​റ കൊ​ല്ലാ​യി​ല്‍ സ്വ​ദേ​ശി അ​യൂ​ബാ(42) ​ണ് പി​ടി​യി​ലാ​യ​ത്. ജി​ല്ല​യു​ടെ വി​വി​ധ മേ​ഖ​ല​ക​ളി​ല്‍ നി​ര്‍​മ്മാ​ണ തൊ​ഴി​ലാ​ളി​ക​ളു​ടെ പ​ണ​വും മൊ​ബൈ​ലും മ​റ്റ് വ​സ്തു​ക്ക​ളും സ്ഥി​ര​മാ​യി ക​വ​രു​ന്ന ഇ​യാ​ളെ തെ​ന്മ​ല പോ​ലീ​സി​ലെ ര​ഹ​സ്യ വി​ഭാ​ഗം പി​ന്‍​തു​ട​ര്‍​ന്ന് വ​ല​യി​ലാ​ക്കു​ക​യാ​യി​രു​ന്നു.

ക​ട​യ്ക്ക​ല്‍, പാ​ലോ​ട്, തെ​ന്മ​ല പോ​ലീ​സ് സ്റ്റേ​ഷ​നു​ക​ളി​ല്‍ ഇ​യാ​ള്‍​ക്കെ​തി​രെ കേ​സു​ക​ളു​ണ്ട്. നി​ര്‍​മാ​ണ​ത്തി​ലി​രി​ക്കു​ന്ന വീ​ടു​ക​ളി​ല്‍ ബൈ​ക്കി​ല്‍ ഹെ​ല്‍​മ​റ്റും മാ​സ്ക്കും ധ​രി​ച്ചെ​ത്തു​ന്ന അ​യൂ​ബ് ഇ​വി​ടെ പ​ണി​യെ​ടു​ക്കു​ന്ന തൊ​ഴി​ലാ​ളി​ക​ളു​ടെ പ​ണ​വും മൊ​ബൈ​ല്‍​ ഫോ​ണ്‍ അ​ട​ക്ക​മു​ള്ള​വ മോ​ഷ്ടി​ക്കും.

ഇ​യാ​ളു​ടെ മോ​ഷ​ണം പ​ല​ത​വ​ണ സി​സി​ടി​വി​യി​ല്‍ പ​തി​ഞ്ഞെ​ങ്കി​ലും ആ​ളെ ക​ണ്ടെ​ത്താ​ന്‍ ക​ഴി​ഞ്ഞി​രു​ന്നി​ല്ല. ചി​ല വ്യാ​പാ​ര സ്ഥാ​പ​ന​ങ്ങ​ളി​ലും ഇ​യാ​ള്‍ ക​വ​ര്‍​ച്ച ന​ട​ത്തി​യി​ട്ടു​ണ്ട്. തെ​ന്മ​ല ഉ​റു​കു​ന്നി​ല്‍ സ​മാ​ന​മാ​യ രീ​തി​യി​ല്‍ മോ​ഷ​ണം ന​ട​ത്തി​യ ഇ​യാ​ളെ പോ​ലീ​സ് പി​ടി​കൂ​ടു​മ്പോ​ള്‍ തൊ​ഴി​ലാ​ളി​ക​ളി​ല്‍ നി​ന്നും മോ​ഷ്ട്ടി​ച്ച 4000 രൂ​പ​യും ബാ​ഗും ഇ​യാ​ളു​ടെ പ​ക്ക​ല്‍ നി​ന്നും പോ​ലീ​സ് ക​ണ്ടെ​ടു​ത്തു.

ബൈ​ക്കി​ല്‍ ക​റ​ങ്ങി ന​ട​ന്നു പ​ല​യി​ട​ങ്ങ​ളി​ലാ​യി ക​വ​ര്‍​ച്ച ന​ട​ത്തു​ന്ന​തു​കൊ​ണ്ട് ത​ന്നെ ഇ​യാ​ളെ ക​ണ്ടെ​ത്താ​നും പ്ര​യാ​സ​മാ​യി​രു​ന്നു. ജി​ല്ല​യു​ടെ വി​വി​ധ ഇ​ട​ങ്ങ​ളി​ല്‍ ഇ​യാ​ള്‍ സ​മാ​ന​മാ​യ രീ​തി​യി​ല്‍ മോ​ഷ​ണം ന​ട​ത്തി​യി​ട്ടു​ണ്ടെ​ന്നും ഇ​യാ​ള്‍​ക്കെ​തി​രെ നി​ര​വ​ധി പ​രാ​തി​ക​ള്‍ പോ​ലീ​സ് സ്റ്റേ​ഷ​നു​ക​ളി​ല്‍ ല​ഭി​ച്ചി​ട്ടു​ണ്ടെ​ന്നും തെ​ന്മ​ല എ​സ്‌എ​ച്ച്‌ ഒ ​ശ്യാം പ​റ​ഞ്ഞു.