കാശ്മീരിൽ ഭീകരരുമായി ഏറ്റുമുട്ടൽ; അഞ്ച് സൈനികർക്ക് വീരമൃത്യു
സ്വന്തം ലേഖകൻ
ന്യുഡൽഹി: ജമ്മു കാഷ്മീരിലെ പൂഞ്ച് ജില്ലയിൽ സുരക്ഷാസേനയും ഭീകരരും തമ്മിലുണ്ടായ ഏറ്റുമുട്ടലിൽ ജൂണിയർ കമ്മീഷൻ ഓഫീസർ ഉൾപ്പെടെ അഞ്ച് സൈനികർക്ക് വീരമൃത്യു. ഭീകരർ ഒളിച്ചിരിക്കുന്നതായുള്ള രഹസ്യ വിവരത്തെ തുടർന്ന് സുരക്ഷാസേന ദേര കി ഗാലിക്കടുത്തുള്ള ഗ്രാമത്തിൽ തെരച്ചിൽ നടത്തവെയാണ് വെടിവയ്പുണ്ടായത്.
മേഖലയിൽ ഭീകരരുമായി ഏറ്റുമുട്ടൽ തുടരുകയാണെന്ന് പ്രതിരോധ വക്താവ് അറിയിച്ചു. ഏതാനും ദിവസം മുമ്പ് ചമ്രർ വനമേഖലയിൽ പാക്കിസ്ഥാനിൽനിന്ന് നിയന്ത്രണരേഖ മറികടന്ന് അഞ്ചിലധികം ഭീകരർ എത്തിയതായി റിപ്പോർട്ടുകളുണ്ടായിരുന്നു. ഇവരാണ് സുരക്ഷാസേനയ്ക്ക് നേരെ വെടിവച്ചതെന്നാണ് കരസേന വൃത്തങ്ങൾ നൽകുന്ന സൂചന.
Whatsapp Group 1 | Whatsapp Group 2 |Telegram Group