കോളേജിന് പരീക്ഷ കേന്ദ്രം അനുവദിക്കുന്നതിന് 50,000 രൂപ കൈക്കൂലി ; തെലങ്കാന യൂനിവേഴ്സിറ്റി വൈസ് ചാൻസലർ ഡി. രവീന്ദർ ഡാചെപ്പള്ളി അറസ്റ്റിൽ

സ്വന്തം ലേഖകൻ

ഹൈദരാബാദ്: തെലങ്കാന യൂനിവേഴ്സിറ്റി വൈസ് ചാൻസലർ ഡി. രവീന്ദർ ഡാചെപ്പള്ളി കൈക്കൂലി കേസിൽ അറസ്റ്റിൽ. സ്വന്തം വീട്ടിൽ വെച്ച് 50,000 രൂപ കൈക്കൂലി വാങ്ങുന്നതിനിടെയാണ് വൈസ് ചാൻസലറെ അറസ്റ്റ് ചെയ്തത്.

2022-23 വർഷത്തേക്ക് ഭീംഗലിലെ പരാതിക്കാരന്റെ കോളജിന് പരീക്ഷ കേന്ദ്രം അനുവദിക്കുന്നതിന് ദാസരി ശങ്കറിൽ നിന്ന് 50,000 രൂപ കൈക്കൂലി സ്വീകരിക്കുകയായിരുന്നു.

വൈസ് ചാൻസലറുടെ കിടപ്പുമുറിയുടെ ക്ലോസറ്റിൽ നിന്ന് പണം മുഴുവൻ അധികൃതർ പിടിച്ചെടുത്തു. തെലങ്കാന യൂനിവേഴ്സിറ്റിയിലെ രജിസ്​ട്രാറുടെ നിയമനത്തെ ചൊല്ലി അടുത്തിടെ വൈസ് ചാൻസലറും വാഴ്സിറ്റി എക്സിക്യൂട്ടീവ് കമ്മിറ്റിയും തർക്കമുണ്ടായിരുന്നു.