തമിഴ്നാട് തേനിയിൽ കാർ ലോറിയുമായി കൂട്ടിയിടിച്ച് അപകടം; കോട്ടയം തിരുവാതുക്കൽ സ്വദേശികളായ രണ്ടുപേർക്ക് ദാരുണാന്ത്യം; വടവാതൂർ സ്വദേശി അനന്തു ​ഗുരുതരമായി പരിക്കേറ്റ് ചികിത്സയിൽ; കാറിന്റെ ടയർ പൊട്ടി ലോറിയിൽ ഇടിച്ചു കയറുകയായിരുന്നു

സ്വന്തം ലേഖകൻ

തേനി: തമിഴ്‌നാട് തേനിയിൽ കാറിന്റെ ടയർ പൊട്ടി ലോറിയിൽ ഇടിച്ച് അപകടം. കോട്ടയം തിരുവാതുക്കൽ സ്വദേശികളായ രണ്ടു പേർക്ക് ദാരുണാന്ത്യം. ഒരാൾക്ക് ഗുരുതര പരിക്ക്.

തിരുവാതുക്കൽ മാന്താറ്റിൽ അക്ഷയ് അജേഷ് (മോനായി), ഗോകുൽ എന്നിവരാണ് അപകടത്തിൽ മരിച്ചത്. ഒപ്പമുണ്ടായിരുന്ന വടവാതൂർ സ്വദേശി അനന്തു ​ഗുരുതരമായി പരിക്കേറ്റ് ചികിത്സയിൽ.

അപകടത്തിൽ കാർ പൂർണമായും തകർന്നതായാണ് കമ്പത്തു നിന്നും ലഭിക്കുന്ന വിവരം.

കോട്ടയം സ്വദേശികൾ സഞ്ചരിച്ച കാർ തേനിയിലേക്ക് പോകുകയായിരുന്നു. കർണാടക രജിസ്ട്രേഷനിലുള്ള ലോറി കോയമ്പത്തൂരിൽ നിന്ന് തേനിയിലേക്ക് തന്നെ വരികയായിരുന്നു. സംഭവത്തിൽ അല്ലിന​ഗരം പൊലീസ് കേസെടുത്ത് അന്വേഷണം ആരംഭിച്ചു.