പത്ത് ദിവസത്തെ കോവിഡ് ചികിത്സയ്ക്ക് തിരുവല്ല പുഷ്പഗിരി ആശുപത്രി നല്‍കിയത് ഒമ്പത് ലക്ഷം രൂപയുടെ ബില്ല്; പണക്കൊള്ള നടത്തിയത് ചികിത്സയിലായിരുന്ന വയോധികന്‍ മരിച്ച ശേഷം; സംഭവം വിവാദമാകുമെന്ന് കണ്ടപ്പോള്‍ 66,000 രൂപ കുറച്ച് നല്‍കാമെന്നായി; മൃതദേഹം ഞങ്ങള്‍ക്ക് വേണ്ട, നിങ്ങള്‍ എടുത്തോളൂ എന്ന് ബന്ധുക്കള്‍

സ്വന്തം ലേഖകന്‍ തിരുവല്ല: പത്ത് ദിവസത്തെ കോവിഡ് ചികിത്സയ്ക്ക് തിരുവല്ല പുഷ്പഗിരി ആശുപത്രി നല്‍കിയത് ഒമ്പത് ലക്ഷം രൂപയുടെ ബില്ല്. ചികിത്സയിലായിരുന്ന ചങ്ങനാശേരി സ്വദേശി ലാലന്‍ ആന്റണി(70) മരിച്ച ശേഷമാണ് ബില്ല് നല്‍കി പുഷ്പഗിരി ബന്ധുക്കളെ ഞെട്ടിച്ചത്. പത്തു ദിവസത്തിലധികമായി കോവിഡ് ബാധിച്ച് ഗുരുതരാവസ്ഥയില്‍ വെന്റിലേറ്ററില്‍ കഴിഞ്ഞ ലാലന്‍ മരിച്ചിട്ടും പണം പിടുങ്ങാനുള്ള വ്യഗ്രതയിലായിരുന്നു പുഷ്പഗിരി ആശുപത്രി അധികൃതര്‍. ബില്‍ കണ്ട് ഞെട്ടിയ ബന്ധുക്കള്‍ തങ്ങള്‍ക്ക് ഇത്രയും വലിയ തുക അടയ്ക്കാനുള്ള കഴിവില്ലെന്ന് പറഞ്ഞു. തുടര്‍ന്ന് 66,000 രൂപ ഇളവ് ചെയ്ത് നല്‍കാമെന്ന് സമ്മതിച്ചു. […]