തിരുവനന്തപുരത്ത് വീട്ടമ്മയെ മധ്യവയസ്കൻ നടുറോഡിൽ ചവിട്ടി വീഴ്ത്തി. തിരുവനന്തപുരം വെള്ളനാട് ജംഗ്ഷനിലാണ് സംഭവം. ഓട്ടോറിക്ഷയിൽ കയറുന്നതിനിടെ വീട്ടമ്മ മധ്യ വയസ്കന്റെ ദേഹത്തു തട്ടിയിരുന്നു. പിന്നാലെ ഇരുവരും നിലത്തു വീണു. എഴുന്നേറ്റയുടൻ മധ്യവയസ്കൻ വീട്ടമ്മയുടെ നടുവിൽ ചവിട്ടി വീഴ്ത്തുകയായിരുന്നു. സംഭവത്തിൽ വെള്ളനാട് പൊലീസ് അന്വേഷണം ആരംഭിച്ചു.
കണ്ണൂര്‍: ലഹരി സംഘത്തിന്റെ ആക്രമണത്തിൽ യുവാവിന് ക്രൂരമർദ്ദനം . കണ്ണൂര്‍ പന്നേംപാറ സ്വദേശി അല്‍ത്താഫിനാണ് പരിക്കേറ്റത്. ലഹരി ഉപയോഗിക്കുന്നത് ചോദ്യംചെയ്തതിനായിരുന്നു യുവാവിനെ ഇവർ ആക്രമിച്ചത് മൂർച്ചയുള്ള ആയുധം കൊണ്ട് കണ്ണിലേക്ക് കുത്തുകയായിരുന്നു രണ്ട് ദിവസം കഴിഞ്ഞിട്ടും പൊലീസ് എഫ്ഐആര്‍ ഇട്ടില്ല. കേസെടുക്കാത്തത് പാര്‍ട്ടി സ്വാധീനം കൊണ്ടാണെന്ന് അല്‍ത്താഫ് പറഞ്ഞു. പ്രണോഷ്, റിഷിത്ത്, അശ്വന്ത്, അശ്വിന്‍ എന്നിവരാണ് സംഘത്തിലുണ്ടായിരുന്നത്. അക്രമികളില്‍ സിപിഎം മുന്‍ ബ്രാഞ്ച് സെക്രട്ടറിയുടെ മകനുമുണ്ട്. അതേസമയം പരാതി പരിശോധിച്ച് വരികയാണെന്ന് പൊലീസ് പറഞ്ഞു.
സ്വന്തം ലേഖകൻ ആലത്തൂർ : ഭർത്താവിന്റെ ശാരീരിക പീഡനത്തിൽ മനം നൊന്ത് മകളുടെ പിറന്നാൾ ദിനത്തിൽ ആത്മഹത്യ ചെയ്ത സംഭവം. മരണത്തിൽ ദുരൂഹതയുണ്ടെന്ന് ആരോപിച്ച് യുവതിയുടെ സഹോദരന്റെ പരാതിയിൽ ഭർത്താവ് പൊലീസ് പിടിയിൽ. ആലത്തൂർ ബാങ്ക് റോഡ് പരുവയ്ക്കൽ വീട്ടിൽ ഫയാസിന്റെ ഭാര്യ ജാസ്മിൻ (26) ആണ് ബുധനാഴ്ച രാവിലെ പതിനൊന്ന് മണിയോടെ വീട്ടിൽ തൂങ്ങിമരിച്ചത്. മരണത്തിന് തൊട്ടുമുൻപ് ജാസ്മിൻ മർദനത്തിനിരയായിടുണ്ടായിരുന്നു. സംഭവത്തെ തുടർന്ന് പോലീസ് കസ്റ്റഡിയിലെടുത്തിരുന്ന ഭർത്താവ് ഫയാസിനെ (34) വ്യാഴാഴ്ചയാണ് അറസ്റ്റ് ചെയ്തത്. ഭർത്താവിന്റെ ശാരീരിക, മാനസിക പീഡനം മൂലമാണ് ജാസ്മിൻ […]
