രണ്ടേകാല്‍ ലക്ഷം രൂപ വിലയുള്ള വളര്‍ത്തുപക്ഷികളെ മോഷ്ടിച്ച മൂന്നുപേർ പൊലീസ് പിടിയിൽ
സ്വന്തം ലേഖകൻ കരമന : രണ്ടേകാല്‍ ലക്ഷം രൂപ വിലയുള്ള വളര്‍ത്തുപക്ഷികളെ മോഷ്ടിച്ച മൂന്നുപേർ പൊലീസ് പിടിയിൽ. കീഴാറന്നൂര്‍ സ്വദേശികളായ ശരത് (32), രജീഷ് (21), സൂരജ് (19) എന്നിവരെയാണ് കരമന പൊലീസ് അറസ്റ്റ് ചെയ്തത്. കരമന നെടുങ്കാടുള്ള വീട്ടിലെ കാര്‍ഷെഡില്‍ കിളിക്കൂടുകളില്‍ സൂക്ഷിച്ചിരുന്ന പക്ഷികളെയാണ് ഇവര്‍ മോഷ്ടിച്ചത്. ഡിസംബര്‍ 10 നാണ് സംഭവം നടന്നത്. നെടുങ്കാട് സ്വദേശി വെങ്കിടഗിരിയുടെ വീട്ടില്‍നിന്ന് ‘സണ്‍ കൊണൂര്‍’ ഇനത്തില്‍പെട്ട വിലപിടിപ്പുള്ള എട്ട് അലങ്കാരപ്പക്ഷികളെയാണ് പ്രതികള്‍ മോഷ്ടിച്ചത്.
