പതിനെട്ട് ദിവസമായി കൊച്ചിയിൽ താമസിക്കുകയാണ്, കൈയിൽ പണമില്ല, ജോലിക്ക് പോകാനും കഴിയുന്നില്ല; പത്മയുടെ മൃതദേഹം വിട്ടുകിട്ടണമെന്നാവശ്യപ്പെട്ട് മക്കൾ മുഖ്യമന്ത്രിക്ക് വീണ്ടും കത്ത് നൽകി.
ഇലന്തൂരിൽ കൊല്ലപ്പെട്ട തമിഴ്നാട് സ്വദേശിനി പത്മയുടെ മൃതദേഹം വിട്ടുകിട്ടണമെന്നാവശ്യപ്പെട്ട് മക്കൾ മുഖ്യമന്ത്രിക്ക് കത്ത് നൽകി. മൃതദേഹം വിട്ടുകിട്ടാൻ സർക്കാർ അടിയന്തരമായി ഇടപെടണമെന്നും, പതിനെട്ട് ദിവസമായി മൃതദേഹത്തിനായി കാത്തിരിക്കുകയാണെന്നുമാണ് കത്തിലുള്ളത്. ഇത് രണ്ടാം തവണയാണ് പത്മയുടെ കുടുംബം മുഖ്യമന്ത്രിക്ക് കത്ത് നൽകുന്നത്. ‘പതിനെട്ട് ദിവസമായി കൊച്ചിയിൽ താമസിക്കുകയാണ്. ജോലിക്ക് പോകാൻ പോലും സാധിക്കുന്നില്ല. കൈയിൽ പണമില്ല. താമസത്തിനോ ഭക്ഷണത്തിനോ ആരുടെയും സഹായം ലഭിക്കുന്നില്ല. മൃതദേഹം എത്രയും വേഗം വിട്ടുകിട്ടാൻ സർക്കാർ അടിയന്തരമായി ഇടപെടണം.’- പത്മയുടെ മകൻ സെൽവരാജ് ഒരു സ്വകാര്യ ചാനലിനോട് പറഞ്ഞു. കൊച്ചിയിൽ ലോട്ടറി […]
