സംസ്ഥാനത്ത് കോവിഡ് കേസുകളിൽ വീണ്ടും വർദ്ധനവ് ; ഇന്ന് 1544 പേർക്ക് രോ​ഗം സ്ഥിരീകരിച്ചു; നാല് മരണം

സ്വന്തം ലേഖകൻ

തിരുവനന്തപുരം: സംസ്ഥാനത്ത് കോവിഡ് രോ​ഗികളുടെ എണ്ണം കൂടുന്നു. ഇന്ന് 1544 പേർക്ക് കോവിഡ് 19 സ്ഥിരീകരിച്ചു.

ടിപിആർ 10 കടന്നു. 11.39 ആണ് ഇന്നത്തെ ടെസ്റ്റ് പോസിറ്റിവിറ്റി നിരക്ക്. ഇന്ന് നാല് മരണങ്ങളാണ് കോവിഡ് മൂലമാണെന്ന് സ്ഥിരീകരിച്ചത്.

ഇന്നും ഏറ്റവും കൂടുതൽ രോ​ഗികൾ എറണാകുളം ജില്ലയിലാണ്. 481 പേർക്കാണ് ജില്ലയിൽ രോ​ഗം സ്ഥിരീകരിച്ചത്.

തിരുവനന്തപുരം ജില്ലയിൽ ഇന്ന് 220 പേർക്ക് രോ​ഗം സ്ഥിരീകരിച്ചിട്ടുണ്ട്. കോഴിക്കോട്, പത്തനംതിട്ട, കോട്ടയം ജില്ലകളിലും കോവിഡ് ബാധിതരുടെ എണ്ണം കൂടുതലാണ്.

കഴിഞ്ഞ നാല് ദിവസത്തിനുള്ളിൽ 43 മരണങ്ങളാണ് കോവിഡ് മൂലമാണെന്ന് രേഖപ്പെടുത്തിയത്.