കുമരകത്ത് ജില്ലാ പൊലീസ് റൂട്ട് മാർച്ച് നടത്തി: മാർച്ച് നടത്തിയത് എസ്.പി ഡി.ശില്പയുടെ നേതൃത്വത്തിൽ

സ്വന്തം ലേഖകൻ

കോട്ടയം: നിയമസഭാ തിരഞ്ഞെടുപ്പിനു മുന്നോടിയായി ജില്ലാ പൊലീസ് കുമരകത്ത് റൂട്ട്മാർച്ച് നടത്തി. ജില്ലാ പൊലീസ് മേധാവി ഡി.ശില്പയുടെ നേതൃത്വത്തിലാണ് പൊലീസും ഐ.ടി.ബി.പിയും ചേർന്നു മാർച്ച് നടത്തിയത്.

നിയമസഭാ തിരഞ്ഞെടുപ്പിൽ സംഘർഷ സാധ്യത ഒഴിവാക്കുന്നതിന്റെ ഭാഗമായാണ് പൊലീസിന്റെ റൂട്ട് മാർച്ച് നടത്തിയത്. മുൻ തിരഞ്ഞെടുപ്പുകളിൽ കുമരകത്ത് രാഷ്ട്രീയ സംഘർഷം ഉണ്ടായിരുന്നു. ഇത് കൂടി ഒഴിവാക്കുകയാണ് ഇപ്പോൾ ലക്ഷ്യമിട്ടിരുന്നത്.