കോട്ടയം: ചപ്പാത്തി ഇപ്പോള് മലയാളികളുടെ പ്രിയ വിഭവമാണ്. ഡയറ്റ് നോക്കുന്നവർ പൊതുവെ ചപ്പാത്തി പ്രിയർ ആയിരിക്കും. മിക്ക ആളുകളും ഇത് ഉണ്ടാക്കാൻ മടിക്കുന്നത്, പെട്ടന്ന് കട്ടിയായി പോകുന്നത് കൊണ്ടാണ്.
എന്നാല് ഇനി കട്ടിയുള്ള ചപ്പാത്തി നിങ്ങള് കഴിക്കേണ്ടി വരില്ല. നല്ല പഞ്ഞിപോലത്തെ ചപ്പാത്തി എളുപ്പത്തില് ചുട്ടെടുക്കാം. എങ്ങനെ തയാറാക്കാമെന്ന് നോക്കാം.
ചേരുവകള്
Whatsapp Group 1 | Whatsapp Group 2 |Telegram Group
ഗോതമ്പുപൊടി – 2 കപ്പ്
ചോറ്- 1 കപ്പ്
വെള്ളം – 1/2 കപ്പ്
ഉപ്പ് 1/2 ടീസ്പൂണ്
വെളിച്ചെണ്ണ – 2 ടീസ്പൂണ്
ചോറും വെള്ളവും നന്നായി അരച്ചെടുക്കുക
തയാറാക്കുന്ന വിധം
ഒരു പാത്രത്തില് 2 കപ്പ് ഗോതമ്പ് മാവും ഉപ്പും ചേർത്ത് നന്നായി ഇളക്കുക. ഇതിലേക്ക് 1 ടീസ്പൂണ് വെളിച്ചെണ്ണ ചേർത്ത് കൈകൊണ്ട് നന്നായി യോജിപ്പിക്കുക. ഇതിലേക്ക് ചോറ് അരച്ചത് ചേർക്കുക, ആദ്യം ഒരു സ്പൂണ് ഉപയോഗിച്ച് കലർത്തുക. അതിനു ശേഷം കൈ കൊണ്ട് നല്ല പോലെ കുഴച്ചെടുക്കുക.1 ടീസ്പൂണ് വെളിച്ചെണ്ണ മാവില് പുരട്ടുക. 30 മിനിറ്റ് മാറ്റി വയ്ക്കുക. 30 മിനിറ്റിനു ശേഷം മാവ് ഒന്നുടെ കുഴച്ച് അതില് നിന്ന് ചെറിയ ഉരുളകള് ഉണ്ടാക്കുക.
മൈദ മാവ് അല്ലെങ്കില് ഗോതമ്പ് മാവ് ഉപയോഗിച്ച് ചപ്പാത്തി പരത്തി എടുക്കുക. ചൂടുള്ള തവയില് ചപ്പാത്തി ഇട്ടു ചെറിയ കുമിളകള് വരാൻ തുടങ്ങുമ്ബോള് ചപ്പാത്തി തിരിച്ചിടുക.കുമിളകള് വലുതായി വരുമ്പോള്, ഒരിക്കല് കൂടി തിരിചിടുക. ചപ്പാത്തിയിലെ കുമിളകള് വീണ്ടും വീർത്തു നല്ലപോലെ പൊങ്ങി വന്നാല് അത് ഒരു ഹോട്ട്പോട്ടിലേക്ക് മാറ്റുക. നല്ല സോഫ്റ്റ് ചപ്പാത്തി റെഡി.
