വി​വാ​ഹ വാ​ഗ്ദാ​നം ന​ൽ​കി ജോ​ലി​ക്കെ​ത്തി​യ വീട്ടമ്മയെ പീ​ഡി​പ്പി​ച്ചു; പീഡന ദൃ​ശ്യ​ങ്ങ​ൾ പ​ക​ർ​ത്തിയ ശേഷം അത് കാണിച്ച് ഭീഷണിപ്പെടുത്തി വീണ്ടും പീഡനം; ചതിക്കപ്പെടുകയാണെന്ന് മനസിലാക്കിയ വീട്ടമ്മ, നൽകിയ പണവും സ്വർണവും തിരികെ ചോദിച്ചു; ഇതോടെ ദൃശ്യങ്ങൾ ഇന്റർനെറ്റിൽ വ്യാപിപിക്കുമെന്ന് ഭീഷണി; കൊച്ചിയിൽ വസ്ത്ര വ്യാപാര സ്ഥാപന ഉടമ പിടിയിൽ

സ്വന്തം ലേഖകൻ

കൊ​ച്ചി: തുണിക്കടയിൽ ജോ​ലി​ക്കെ​ത്തി​യ വീ​ട്ട​മ്മ​യെ പീ​ഡി​പ്പി​ച്ചു ദൃ​ശ്യ​ങ്ങ​ൾ പ​ക​ർ​ത്തു​ക​യും അ​വ ഓ​ൺ​ലൈ​നി​ൽ പ്ര​ച​രി​പ്പി​ക്കു​മെ​ന്നു ഭീ​ഷ​ണി​പ്പെ​ടു​ത്തു​ക​യും ചെ​യ്ത ഉ​ട​മ അ​റ​സ്റ്റി​ൽ.

വൈ​റ്റി​ല​യി​ൽ വ​സ്ത്ര​വ്യാ​പാ​ര സ്ഥാ​പ​നം ന​ട​ത്തു​ന്ന തൊ​ടു​പു​ഴ കാ​രി​ക്കോ​ട് മു​ത​ലക്കോടം വി​സ്മ​യ വീ​ട്ടി​ൽ സ​നീ​ഷി​നെ (45) യാ​ണ് എ​റ​ണാ​കു​ളം സെ​ൻ​ട്ര​ൽ പോ​ലീ​സ് അ​റ​സ്റ്റു ചെ​യ്ത​ത്.

വി​വാ​ഹ വാ​ഗ്ദാ​നം ന​ൽ​കി ഹോ​ട്ട​ലി​ൽ കൊ​ണ്ടു​പോ​യി പ്ര​തി ബ​ല​മാ​യി പീ​ഡി​പ്പി​ക്കു​ക​യും ദൃ​ശ്യ​ങ്ങ​ൾ മൊ​ബൈ​ലി​ൽ പ​ക​ർ​ത്തു​ക​യു​മാ​യി​രു​ന്നു. തു​ട​ർ​ന്നു പ​രാ​തി​ക്കാ​രി​യെ ഭീ​ഷ​ണി​പ്പെ​ടു​ത്തി പ​ല​ത​വ​ണ പീ​ഡ​ന​ത്തി​നി​ര​യാ​ക്കി.

50,000 രൂ​പ​യും മോ​തി​ര​വും കൈ​ക്ക​ലാ​ക്കു​ക​യും ചെ​യ്തു. പ്ര​തി​ക്കു മ​റ്റു പ​ല പെ​ൺ​കു​ട്ടി​ക​ളു​മാ​യി ബ​ന്ധ​മു​ണ്ടെ​ന്നു മ​ന​സി​ലാ​ക്കി.

ഇതോടെ പ​രാ​തി​ക്കാ​രി പ​ണം തി​രി​കെ ആ​വ​ശ്യ​പ്പെ​ട്ട​പ്പോ​ൾ പീ​ഡ​ന​ദൃ​ശ്യ​ങ്ങ​ൾ പ​രാ​തി​ക്കാ​രി​ക്ക് അ​യ​ച്ചു​കൊ​ടു​ക്കു​ക​യും ഇ​ൻറ​ർ​നെ​റ്റി​ൽ പ്ര​ച​രി​പ്പി​ക്കു​മെ​ന്നു ഭീ​ഷ​ണി​പ്പെ​ടു​ത്തു​ക​യു​മാ​യി​രു​ന്നു.

പോ​ലീ​സി​ൽ പ​രാ​തി ന​ൽ​കി​യ​തോ​ടെ ഒ​ളി​വി​ൽ പോ​യ പ്ര​തി​യെ തൊ​ടു​പു​ഴ​യ്ക്കു സ​മീ​പം വ​ഴി​ത്ത​ല​യി​ൽ​നി​ന്നാ​ണ് അ​റ​സ്റ്റ് ചെ​യ്ത​ത്.

ഇ​യാ​ൾ​ക്കെ​തി​രേ മ​ര​ട് പോ​ലീ​സ് സ്റ്റേ​ഷ​നി​ൽ പീ​ഡ​ന​ശ്ര​മ​ത്തി​നും തൊ​ടു​പു​ഴ പോ​ലീ​സ് സ്റ്റേ​ഷ​നി​ൽ ക​വ​ർ​ച്ച​യ്ക്കും കേ​സു​ണ്ട്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.