മലപ്പുറം: എട്ടുവയസുകാരനെ പീഡിപ്പിച്ച യുവാവിന് 55 വർഷം കഠിന തടവും 85,000 രൂപ പിഴയും. മലപ്പുറം എടക്കര ഉണിച്ചന്തം പുതുവാൻ ചോല ജിൻഷാദി (30)നെയാണ് നിലമ്പൂർ അതിവേഗ പ്രത്യേക പോക്സോ കോടതി ജഡ്ജി കെ.പി. ജോയ് ശിക്ഷിച്ചത്.
പിഴത്തുക പീഡനത്തിന് ഇരയായ കുട്ടിക്ക് നൽകണമെന്നും കോടതി ഉത്തരവിട്ടു. 2021 നവംബർ ഒന്നിനാണ് കേസിനാസ്പദമായ സംഭവം നടന്നത്. ചൂണ്ടയിട്ട് മീൻ പിടിക്കാനാണെന്നു പറഞ്ഞ് പ്രലോഭിപ്പിച്ച് കുട്ടിയെ കൊണ്ടുപോയി ഇയാൾ പീഡിപ്പിക്കുകയായിരുന്നു.
