തിരുവനന്തപുരം: സംസ്ഥാനത്തെ പൊതുവിദ്യാഭ്യാസ രംഗത്ത് വലിയ മാറ്റങ്ങള്ക്കൊരുങ്ങി സർക്കാർ.
കുട്ടികളുടെ സ്കൂള് ബാഗിന്റെ ഭാരം കുറയ്ക്കാനും ക്ലാസ് മുറികളിലെ ‘ബാക്ക് ബെഞ്ചർ’ എന്ന വേർതിരിവ് ഇല്ലാതാക്കാനും ലക്ഷ്യമിട്ടുള്ള സുപ്രധാന നിർദ്ദേശങ്ങളുടെ കരട് റിപ്പോർട്ടിന് സംസ്ഥാന കരിക്കുലം സ്റ്റിയറിംഗ് കമ്മിറ്റി അംഗീകാരം നല്കി.
വിദ്യാഭ്യാസ മന്ത്രി വി. ശിവൻകുട്ടിയാണ് ഫേസ്ബുക്കിലൂടെ ഈ വിവരങ്ങള് പങ്കുവെച്ചത്. വിദ്യാർഥികളുടെ ശാരീരിക ആരോഗ്യം മുൻനിർത്തി സ്കൂള് ബാഗുകളുടെ ഭാരം ശാസ്ത്രീയമായി കുറയ്ക്കും.
Whatsapp Group 1 | Whatsapp Group 2 |Telegram Group
ക്ലാസ് മുറികളിലെ ഇരിപ്പിട ക്രമീകരണത്തില് മാറ്റം വരുത്തി എല്ലാ കുട്ടികള്ക്കും ഒരുപോലെ ശ്രദ്ധ ലഭിക്കുന്ന ജനാധിപത്യപരമായ പഠനാന്തരീക്ഷം ഉറപ്പാക്കും. ഇതോടെ ‘ബാക്ക് ബെഞ്ചേഴ്സ്’ എന്ന വിളിപ്പേര് ചരിത്രമാകും.
വിദ്യാലയങ്ങളെ കൂടുതല് ജനാധിപത്യപരവും കുട്ടികള്ക്ക് ആനന്ദകരവുമായ ഇടങ്ങളാക്കി മാറ്റുകയാണ് ലക്ഷ്യം.
