ഇന്ദുലേഖ സോപ്പിന്റെ പരസ്യം കണ്ടിട്ട് അത് മേടിച്ച കുളിച്ച ശേഷം അതിൽ അഭിനയിച്ച മമ്മൂട്ടിയെപോലെ ആയില്ലെന്ന് പറഞ്ഞ് കേസ് കൊടുത്ത പോലെ ആയി ഈ കേസും : സന്ദീപ് വാര്യരെ പരിഹസിച്ച് യുവതിയുടെ ഫെസ്ബുക്ക് കുറിപ്പ്

സ്വന്തം ലേഖകൻ

തൃശ്ശൂർ: ഇന്ദുലേഖ സോപ്പിന്റെ പരസ്യം കണ്ടിട്ട് അത് വാങ്ങി കുളിച്ച ശേഷം അതിൽ അഭിനയിച്ച മമ്മൂട്ടിയെ പോലെ ആയില്ലെന്ന് പറഞ്ഞ് കേസ് കൊടുത്ത പോലെ ആയി ഈ കേസും.യുവമോർച്ച നേതാവ് സന്ദീപ് വാര്യർക്കെതിരെ ആഞ്ഞടിച്ച് മമ്മൂട്ടി ആരാധിക കെ സുജ രംഗത്ത്. കരുണ സംഗീത നിശയുമായി ബന്ധപ്പെട്ട വിവാദങ്ങൾക്കിടയിലേക്ക് കരുണ ടിക്കറ്റ് പ്രകാശനം ചെയ്ത നടൻ മമ്മൂട്ടിയെ വലിച്ചിഴച്ചരുന്നു.ഇതിനെതിരെയാണ് സന്ദീപ് വാര്യരെ സുജ രൂക്ഷമായി വിമർശിച്ചത്.ഫെയ്‌സ്‌ കുറിപ്പിലൂടെയായിരുന്നു സുജയുടെ പ്രതികരണം.

സന്ദീപിനെപോലെ ബിജെപിയിൽ അത്യാവശ്യം വിവരമുള്ള ഒരാൾ ഇത്രയ്ക്കും വിവരം കെട്ട ഒരുപോസ്റ്റ് ഇടുമെന്നു സ്വപ്നത്തിൽപോലും പ്രതീക്ഷിച്ചില്ലെന്നും സുജ ഫെയ്‌സ്ബുക്കിൽ കുറിച്ചു.

സുജയുടെ ഫെയ്‌സ്ബുക്ക് കുറിപ്പിന്റെ പൂർണ്ണരൂപം

ശ്രീ സന്ദീപ് വാര്യർക്ക്..

നിങ്ങൾ മമ്മൂക്കയ്‌ക്കെതിരെ ഒരുപോസ്റ്റ് ഇട്ടിരിക്കുന്നത് ശ്രദ്ധയിൽ പെട്ടു. കരുണ ടിക്കറ്റ് പ്രകാശനം ചെയ്ത മമ്മൂക്ക കരുണ സംഗീത നിശയുമായി ബന്ധപ്പെട്ട വിവാദങ്ങൾക്ക് അതിന്റെ സംഘടകരോട് വിശദീകരണംചോദിക്കണമെന്നും അതിനെതിരെ മമ്മൂക്കയുടെ പ്രതികരണം എന്താണെന്നു താങ്കൾക്ക് അറിയണം എന്നുമൊക്കെ അറിയിച്ചുള്ള ഒരുപോസ്റ്റ് ആയിരുന്നു അത്.

സന്ദീപിനെപോലെ ബിജെപിയിൽ അത്യാവശ്യം വിവരമുള്ള ഒരാൾ ഇത്രയ്ക്കും വിവരം കെട്ട ഒരുപോസ്റ്റ് ഇടുമെന്നു സ്വപ്നത്തിൽപോലും പ്രതീക്ഷിച്ചില്ല. മമ്മൂട്ടി അഭിനയിച്ച ഇന്ദുലേഖ സോപ്പിന്റെ പരസ്യം കണ്ടിട്ട് അത് മേടിച്ച് കുളിച്ച താൻ മമ്മൂട്ടിയെപോലെ ആയില്ല എന്ന് പറഞ്ഞ്‌കേസ് കൊടുത്തപോലെ ആയിപോയല്ലോ സന്ദീപ് ജി ഈകേസും. മമ്മൂട്ടി അറിയപ്പെടുന്ന ഒരു സെലിബ്രിറ്റി ആണ്.

നല്ല കാര്യങ്ങൾക്ക് എന്ത് സഹായവും അദ്ദേഹം ചെയ്ത് കൊടുക്കും എന്ന് താങ്കൾക്കും അറിയാം ഇവിടുത്തെ എല്ലാ മലയാളികൾക്കും അറിയാം. പ്രളയംപോലൊരു മഹാ ദുരന്തത്തെ നേരിടാൻ ഒരു പരിപാടി നടക്കുമ്പോ അതിന്റെ ടിക്കറ്റ് പ്രകാശനം അല്ല അതിന് മുകളിൽ വല്ലതും വേണേൽ അതും പുള്ളി ചെയ്ത് കൊടുക്കും.

അത് ഇനി ആഷിക്ക് അബുവും ടീമും അല്ല ഇനി നിങ്ങൾ ചെന്നാലും മമ്മൂക്കയുടെ സഹകരണം നിങ്ങൾക്കും ഉണ്ടാകും. (നല്ല കാര്യത്തിന് ആണെങ്കിൽ) അതിൽ ആരെങ്കിലും അഴിമതി കാണിക്കുമോ കയ്യിട്ട് വാരുമോ എന്നൊന്നും അദ്ദേഹം എന്നല്ല ആരും ചിന്തിക്കില്ല.. നല്ലൊരു കാര്യത്തിന് ആയത് കൊണ്ട് ആ കർമം അദ്ദേഹം നിർവഹിച്ചു… അതിൽ സംഘടകർ അഴിമതി കാണിച്ചതിന് മമ്മൂട്ടി ഉത്തരം പറയണം അവരെ ഉപദേശിക്കണം എന്നൊക്കെ പറയാൻ താങ്കൾക്ക് നാണമില്ലേ!.

അല്ലേലും മമ്മൂട്ടിയെപോലൊരു നടനോട് വല്ലവരും കാണിച്ച അഴിമതിക്കെതിരെ പ്രതികരണം അറിയാൻ കാത്തു നിക്കുന്ന സന്ദീപ് നിങ്ങളോട് ഒന്ന്‌ചോദിച്ചോട്ടെ .. 1000 വും 2000കോടി അഴിമതി കാണിച്ചവരെ വെറുതെ വിട്ടപ്പോ, സ്വന്തമായി വീട്ടിലിരുന്നുനോട്ട് അടിച്ച സ്വന്തം പാർട്ടിക്കാരൻ ജയിലിൽപോയപ്പോ അങ്ങനെ ഈ രാജ്യത്ത് പല വിധ അഴിമതികൾ സ്വന്തം പാർട്ടിക്കാർ നടത്തിയതിനെ പറ്റിയുമൊക്കെ ഒരക്ഷരം മിണ്ടാതിരുന്ന താങ്കൾ വല്ലവരും പരിപാടി നടത്തി ആ കാശെടുത് പുട്ട് അടിച്ചതിനെ മമ്മൂട്ടിയുമായി ബന്ധിപ്പിക്കാൻ താങ്കൾക്ക് എന്ത് യോഗ്യതയാണുള്ളത്.

അല്ലെങ്കിൽ ആഷിക്ക് അബുവിനും റീമ കല്ലിങ്കലിനും അടക്കമ്മുള്ള ഈ പരിപാടിയുമായി ബന്ധമുള്ള സിനിമാക്കാർക്ക് സ്വന്തമായി സങ്കടനകൾ ഉണ്ട് ഇവിടെ.. അവരോട് ഒന്നും പറയാതെ ഒരു ടിക്കറ്റ്് പ്രകാശനം ചെയ്തതിന്റെപേരിൽ മമ്മൂട്ടിയുടെ പൊക്കത്തോട്ട് താങ്കൾകേറിയെങ്കിൽ അതിന് പിന്നിൽ വ്യക്തമായ ഒരു അജണ്ട ഉണ്ട് എന്ന് അരി ആഹാരം കഴിക്കുന്ന എല്ലാവർക്കും മനസിലാകും. നിങ്ങൾ 10000 ബിജെപിക്കാരെക്കാൾ വില ഉണ്ട് മമ്മൂട്ടി എന്ന ഒറ്റപേരിനു മലയാളികളുടെ മനസ്സിൽ.

ആ മമ്മൂട്ടിയെ എന്തിന്റെപേരിൽ ആയാലും ജനങ്ങളെ തെറ്റിദ്ധരിപ്പിച്ചു നിങ്ങളുടെ അജണ്ട നടപ്പാക്കാൻ ആണേൽ നിങ്ങളുടെ ആ പരിപ്പ് ഇവിടെകേരളത്തിൽ നടക്കുകേല എന്ന് സന്ദീപ് വാര്യർ ഓർക്കുന്നത് നല്ലതാണ് ..കേന്ദ്രത്തിൽ നിങ്ങൾക്ക് പിടിപാടുള്ളത് കൊണ്ട് മമ്മൂട്ടിക്ക് അർഹിച്ച പത്മ അവാർഡുകൾ നിങ്ങൾക്ക് തടഞ് വെപ്പിക്കാം അദ്ദേഹത്തിന് അർഹതപെട്ടദേശീയ അംഗീകാരങ്ങളെ ഒറ്റഫോൺ കോളിൽ ഇല്ലാതാക്കാം.

അതിന്റെ ഹുങ്ക് വെച്ചു സന്ദീപ് വാരിയർ മമ്മൂട്ടിയുടെ പടവും വെച്ച് മമ്മൂട്ടിക്ക് എതിരെ ഒരുപോസ്റ്റ് ഇട്ടാൽ ഉടനെ മമ്മൂട്ടിയെ കേരളത്തിലെ ജനങ്ങൾ തള്ളി പറയും എന്നാണ് കരുതിയെങ്കിൽ നിങ്ങളെപോലെ മണ്ടന്മാരല്ലകേരളത്തിലെ ജനങ്ങൾ എന്ന് ഇനിയെങ്കിലും സന്ദീപ് വാര്യർ മനസിലാക്കണം. ജനങ്ങളുടെ മനസിലിലേക്ക് ഇത്‌പോലുള്ള തെറ്റിദ്ധാരണകൾ അടിച്ചേൽപ്പിക്കാൻ ശ്രേമിക്കുന്നത് കൊണ്ടാണ് നിങ്ങൾക്ക് കേരളത്തിൽ ഒരു വില ഇല്ലാതായി പോയത് എന്ന സത്യം കൂടി നിങ്ങൾ മനസിലാക്കുന്നത് നല്ലതാണ്.

ആഷിക്കും റിമയും കാണിച്ചു എന്ന് പറയപ്പെടുന്ന അഴിമതിക്ക് ടിക്കറ്റ് പ്രകാശനം ചെയ്ത മമ്മൂട്ടി പ്രതികരിക്കണം എന്നാവിശ്യ പെട്ട സന്ദീപിനോട് അവസാനമായി ഒരു കാര്യം ഓർമിപ്പിക്കുന്നു .മേക്കിങ് ഇന്ത്യയുടെ ഭാഗമായി 251 രൂപക്ക് മൊബൈൽ ഫോൺ എന്ന പദ്ധതിക്ക് മോദിജിയുടെ ഫോട്ടോയും വെച്ച് പരസ്യം ചെയ്ത നിങ്ങൾ അതിൽ നടന്ന അഴിമതിക്ക് മോദിജിയുടെ പ്രതികരണം എന്താണെന്നു ഒരു കുറിപ്പ് എഴുതി മോദിജിയോട് സന്ദീപ് ആവശ്യപ്പെട്ട മോദി ജിയുടെ പ്രതികരണം ജനങ്ങളെ സന്ദീപ് അറിയിക്കും എന്ന പ്രതീക്ഷയോടെ നിർത്തുന്നു.

സുജ കെ