കോട്ടയം : ആഭ്യന്തര വിപണിയില് റെക്കോർഡ് തൊട്ട് റബർ വില. ചൊവ്വാഴ്ച ഓപ്പണ് മാർക്കറ്റില് ആർഎസ്എസ് 4ന്റെ സ്പോട്ട് വില കിലോയ്ക്ക് 269 രൂപയായി.
ലാറ്റക്സ് കിലോയ്ക്ക് 242 രൂപയുമായി. കോട്ടയം, കൊച്ചി മാർക്കറ്റില് ആർഎസ്എസ് 4ന്റെ വില 268 രൂപയായാണ് വർധിച്ചത്.
2011 ഏപ്രില് 5ന് രേഖപ്പെടുത്തിയ 243 രൂപയായിരുന്നു ദീർഘകാലം ആർഎസ്എസ് 4 റബറിന്റെ ഏറ്റവും ഉയർന്ന വില. 2024 ഓഗസ്റ്റില് വില 247 രൂപയായിരുന്നു. ആ റെക്കോർഡ് എല്ലാം തിരുത്തിക്കുറിച്ചാണ് ആഭ്യന്തര റബർ വില 269 രൂപയില് എത്തിയത്. ബാങ്കോക്ക് മാർക്കറ്റില് കഴിഞ്ഞ ദിവസം 300 രൂപ കടന്ന വില 7 രൂപ കുറഞ്ഞ് 292.74 രൂപയിലെത്തി.
പശ്ചിമേഷ്യൻ സംഘർഷത്തിന്റെ പശ്ചാത്തലത്തില് ക്രൂഡോയില് വില ഉയർന്നതാണ് റബ്ബർ വില വർധിക്കാനിടയായ ഒരു പ്രധാന കാരണം. മാത്രമല്ല ബാങ്കോക്ക് വിപണിയിലെ വിലക്കയറ്റം, പ്രധാന റബർ
Whatsapp Group 1 | Whatsapp Group 2 |Telegram Group
ഉല്പാദക രാജ്യങ്ങളായ തായ്ലൻഡ്, മലേഷ്യ, ഇന്തൊനീഷ്യ എന്നിവിടങ്ങളിലെ ഉല്പാദനക്കുറവ് തുടങ്ങിയ പ്രതിസന്ധികളെല്ലാം റബ്ബർ വില വർധിക്കാൻ ഇടയാക്കിയ കാരണങ്ങളാണ്.
