ഏറ്റുമാനൂർ നമ്പ്യാകുളത്ത് വീട് കുത്തിത്തുറന്ന് 2000 രൂപയും സ്വർണവും കവർന്നു; മോഷണം നടന്നത് വീട്ടിൽ ആരുമില്ലാതിരുന്ന സമയത്ത്

സ്വന്തം ലേഖകൻ

കോട്ടയം: ഏറ്റുമാനൂർ നമ്പ്യാകുളത്ത് വീട് കുത്തിത്തുറന്ന് സ്വർണവും പണവും കവർന്നു. ഏറ്റുമാനൂർ നമ്പ്യാകുളം കുറുമുള്ളൂർ എം.ഗിരീഷ് കുമാറിന്റെ ഉടമസ്ഥതയിലുള്ള മല്ലികാസദനം എന്ന വീട്ടിലാണ് മോഷണം നടന്നത്.

തിങ്കളാഴ്ച രാവിലെ 11.45 ഓടെ വീട്ടിലുള്ളവർ കൊച്ചിയിലേയ്ക്കു പോയിരുന്നു. തുടർന്നു ബുധനാഴ്ച രാവിലെ വീട്ടിലെത്തിയപ്പോഴാണ് മോഷണം നടന്ന വിവരം കണ്ടെത്തിയത്. വീടിന്റെ പിൻവാതിലുകൾ കുത്തിപ്പൊളിച്ച്, ജനലുകൾ വെട്ടിപ്പൊളിച്ച ശേഷമാണ് മോഷ്ടാവ് ഉള്ളിൽ പ്രവേശിപ്പിച്ചത് എന്നാണ് കരുതുന്നത്.

വീടിന്റെ അലമാരയിൽ സൂക്ഷിച്ചിരുന്ന 20000 രൂപയും ഇതേ അലമാരയ്ക്കുള്ളിൽ സൂക്ഷിച്ചിരുന്ന സ്വർണമാലയും കവർന്നിട്ടുണ്ട്.