നിയന്ത്രണം നഷ്ടപ്പെട്ട ജീപ്പ് തല കീഴായി മറിഞ്ഞ് അപകടം; ആറ് വിനോദസഞ്ചാരികൾക്ക് പരിക്ക്;പരിക്കേറ്റവരെ അടിമാലി താലൂക്ക് ആശുപത്രിയിൽ പ്രവേശിപ്പിച്ചു

രാജാക്കാട്: വിനോദസഞ്ചാരികളുടെ ജീപ്പ് മറിഞ്ഞ് ആറ് പേർക്ക് പരിക്ക്. ബൈസൺവാലി ടീ കമ്പനിക്ക് സമീപമാണ് ഇന്നലെ ഉച്ചയോടെ അപകടമുണ്ടായത്.

Link

Embed

Copy and paste this HTML code into your webpage to embed.

നിയന്ത്രണം നഷ്ടപ്പെട്ട വാഹനം റോഡിൽ തല കീഴായി മറിയുകയായിരുന്നു. ചെന്നൈയിൽ നിന്നെത്തിയ ഒമ്പത് അംഗ സംഘമാണ് ജീപ്പിൽ ഉണ്ടായിരുന്നത്.

മൂന്നാറിൽ എത്തിയ സംഘം ഇവിടെ നിന്ന് ജീപ്പ് വാടകയ്ക്ക് എടുത്ത് ആനയിറങ്കൽ സന്ദർശിച്ച ശേഷം ബൈസൺവാലി ടീ കമ്പനി വഴി മൂന്നാറിലേക്ക് തിരികെ പോകുമ്പോഴായിരുന്നു അപകടമുണ്ടായത്.

ഡ്രൈവർ ഉൾപ്പെടെ പരിക്കേറ്റ ആറ് പേരെയും അടിമാലി താലൂക്ക് ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല.