വീണ്ടും പിഡബ്ല്യുഡിയുടെ അശ്രദ്ധ; തൃശ്ശൂർ വടക്കാഞ്ചേരിയിൽ ഫുട്പാത്തിൽ തട്ടി വീട്ടമ്മ എട്ടടി താഴ്ചയുള്ള കാനയിലേക്ക് വീണു; നട്ടെല്ലിനും തലക്കും പരിക്ക്; അപകടത്തിനു കാരണം സ്ലാബുകൾ നിരപ്പില്ലാതെ വച്ചതും കാന മൂടാത്തതും; നിരവധി തവണ പരാതി പറഞ്ഞിട്ടും നടപടിയെടുക്കാതെ അധികൃതർ

തൃശൂർ: വടക്കാഞ്ചേരി മിനി സിവിൽ സ്റ്റേഷന് മുന്നിലെ ഫുട്പാത്തിൽ തട്ടി വീട്ടമ്മ എട്ടടി താഴ്ചയുള്ള കാനയിലേക്ക് വീണു. മുണ്ടത്തിക്കോട് സ്വദേശി ഗീതയാണ് അപകടത്തിൽപ്പെട്ടത്. ഫുട്പാത്തിലെ സ്ലാബുകൾ നിരപ്പില്ലാതെ വച്ചതും കാന മൂടാത്തതുമാണ് അപകടത്തിന് കാരണം.

Link

Embed

Copy and paste this HTML code into your webpage to embed.

ഫുട്പാത്ത് വന്ന് ചേരുന്ന എട്ടടി താഴ്ച്ചയുള്ള കാനക്ക്‌ കൈവരിയുമില്ല. ഹൃദ്രോഗിയായ ഭർത്താവിന് മരുന്ന് വാങ്ങാൻ പോയ മുണ്ടത്തിക്കോട് സ്വദേശിയായ ഗീതയാണ് അപകടത്തിൽ പെട്ടത്. നട്ടെല്ലിനും തലക്കും പരിക്കേറ്റ ഗീത കിടപ്പിലാണ്.

സിവിൽ സ്റ്റേഷൻ, കോടതി, സ്കൂൾ എന്നിങ്ങനെ നിരവധി ആളുകൾ വന്ന് പോകുന്ന പ്രദേശത്തായിരുന്നു പിഡബ്ല്യുഡിയുടെ അശാസ്ത്രീയ നിർമ്മാണം. നിരവധി തവണ പരാതി പറഞ്ഞിട്ടും പൊതുമരാമത്ത് വകുപ്പ് ഒന്നും ചെയ്തില്ല. പ്രത്യക്ഷ സമരത്തിലേക്ക് പോകാനാണ് കോൺഗ്രസ് തീരുമാനം.