33 അക്കൗണ്ടുകളിലായി 138 കോടി; പണം ബിസിനസില്‍ നിക്ഷേപിച്ചുവെന്ന് ഒറ്റ മറുപടി; പ്രവീണ്‍ റാണ പൂഴ്ത്തിയ പണം തേടി പൊലീസ്; തെളിവെടുപ്പ് ഇന്ന് നടക്കും
സ്വന്തം ലേഖിക
തൃശ്ശൂർ: തൃശൂരിലെ സേഫ് ആന്റ് സ്ട്രോങ് നിക്ഷേ തട്ടിപ്പ് കേസില്‍ മുഖ്യപ്രതി പ്രവീണ്‍ റാണയുടെ തെളിവെടുപ്പ് ഇന്ന് നടക്കും.
ആദംബസാറിലെ ഓഫീസ്, പുഴക്കലിലെ കോര്‍പ്പറേറ്റ് ഓഫീസ്, ഇടപാട് രേഖകള്‍ ഒളിച്ചു കടത്തി സൂക്ഷിച്ചിരുന്ന പുതുക്കാട് പാലാഴിയിലെ വാടകവീട് എന്നിവിടങ്ങളിലെ ത്തിച്ചാവും തെളിവെടുപ്പ്.
Whatsapp Group 1 | Whatsapp Group 2 |Telegram Group
നിലവില്‍ 2.25 ലക്ഷമാണ് സേഫ് ആന്‍ഡ് സ്ട്രോങ് കമ്പനിയുടെ അക്കൗണ്ടിലുള്ളത്. വന്‍ തുകകള്‍ ആറ് മാസത്തിനുള്ളില്‍ റാണ വിവിധ അക്കൗണ്ടുകളിലേക്ക് മാറ്റിയെന്നാണ് പൊലീസ് കണ്ടെത്തല്‍.
ഇന്നലെ പത്ത് മണിക്കൂറിലധികം ചോദ്യം ചെയ്തിട്ടും റാണ കൃത്യമായ മറുപടി നല്‍കിയിട്ടില്ല . പണം ബിസിനസില്‍ നിക്ഷേപിച്ചുവെന്ന ഒറ്റ മറുപടിയാണ് നല്‍കിയത്.
ഒറ്റ ഉത്തരം നല്‍കുന്നത് ആസൂത്രിതമാണെന്ന സംശയം പൊലീസിനുണ്ട്. 33 അക്കൗണ്ടുകളിലായി 138 കോടിയോളമാണ് പ്രവീണ്‍ റാണ സ്വീകരിച്ച നിക്ഷേപം. ഈ പണം എവിടേക്ക് പോയി എന്നതിലാണ് റാണ ഒളിക്കുന്നത്.
