ലാൻ്റ് ഫോണും ലാപ്ടോപ്പും വലിച്ചെറിഞ്ഞു; പൊലീസുകാരനെ മര്‍ദിച്ച്‌ ചീത്തവിളിച്ചു; സ്റ്റേഷനില്‍ പരാക്രമണം നടത്തിയ പ്രതി അറസ്റ്റില്‍

കോഴിക്കോട്: സ്റ്റേഷനില്‍ എത്തി പൊലീസിനെ യുവാവ് ആക്രമിച്ചു.

Link

Embed

Copy and paste this HTML code into your webpage to embed.

താമരശ്ശേരി പൊലീസ് സ്റ്റേഷനില്‍ ആണ് സംഭവം. സീനിയർ സിപിഒപിഎം ഷിജുവിനാണു മർദ്ദനമേറ്റത്.

ആലപ്പിടമ്മല്‍ ഷാജിയാണ് പ്രതി. ഇയാള്‍ സ്റ്റേഷനിലെത്തി പൊലീസുകാരനെ മർദിക്കുകയും സ്റ്റേഷനിലെ ലാൻറ് ഫോണും ലാപ്ടോപ്പും വലിച്ചെറിയുകയും ഉദ്യോഗസ്ഥനെ അസഭ്യം പറയുകയുമായിരുന്നു.

മറ്റൊരു കേസിന്റെ വിവരാന്വേഷണത്തിന്റെ ഭാഗമായി പൊലീസ് വീട്ടിലെത്തിയതാണ് പ്രതിയെ പ്രകോപിപ്പിച്ചത്. ഷിജുവിനെ മര്‍ദിക്കുകയും ചീത്ത വിളിക്കുകയും ചെയ്തു. പരിക്കേറ്റ ഷിജു താമരശ്ശേരി താലൂക്ക് ആശുപത്രിയില്‍ ചികിത്സ തേടി.

അറസ്റ്റു ചെയ്ത പ്രതിയെ താമരശ്ശേരി കോടതിയില്‍ ഹാജരാക്കി റിമാൻഡ് ചെയ്തു. ഇയാള്‍ നിരവധി കേസുകളിലെ പ്രതിയാണെന്നും ശിക്ഷ അനുഭവിച്ചിട്ടുണ്ടെന്നും പൊലീസ് പറയുന്നു.